«türkiyening héchkimning zéminida közi yoq»
jumhur reis erdoghan türkiyening héchkimning zéminida közi yoqluqini éytti.
türkiye awazi radiyosi xewiri: erdoghan atatürk wapat bolghanliqining 78 – yilliqini xatirilesh munasiwiti bilen ötküzülüatqan murasimlar dairiside aldi bilen atatürk xatire sariyini ziyaret qildi, arqidin atatürk medeniyet, til we tarix tetqiqatliri aliy orgini teripidin jumhur reislik saryi ötküzülgen murasimgha ishtirak qildi.
jumhur reis bu yerde qilghan sözide, «yéngi türkiye» atalghusining tunji qétim ghazi mustapa kamal teripidin özining «nutuq» namliq esiride otturigha qoyulghanliqini, türkiyening héchkimning zéminida közi yoqluqini tekitlep mundaq dédi: «bizning tariximizda jahangirliktin ibaret bir daghni uchratqili bolmaydu. xelqimiz qaysi millet we qaysi dingha étiqad qilidighan bolushidin qetiynezer, bizning medeniyitimizde bir zéminda yashaydighan, oxshash hawadin nepeslinip, nénimizni teng yeydighan kishilerning hemmisini qérindash dep bilimiz. barliq döletlirini ene shu anggha asasen qurup chiqqan bir milletning bashqilarning heq – hoquqlirini depsende qilishi esla mumkin emes. ejdadlirimiz barghanliki yerni özining köz nuridek qoghdap, awat qilghan.»
