daéshning 94, PKK/PYD ning 9 nishani topqa tutuldi
türkiyening bashlamchiliqida suriyening shimalini térrorchilardin xaliylashturush meqsitide 24 – awghustta bashlanghan firat qalqini herikiti 65 – künige qedem qoydi.
türkiye awazi radiyosi xewiri: türkiyening bashlamchiliqida suriyening shimalini térrorchilardin xaliylashturush meqsitide 24 – awghustta bashlanghan firat qalqini herikitining 65 – künidiki toqunushlarda 2 öktichi shéhit boldi, 16 öktichi yarilandi.
daésh unsurlirining marening sherqiy jenubigha jaylashqan tuweysqa rakétamiyot étishi netijiside bir esker yénik yarilandi.
heriket dairiside, daésh térrorluq teshkilatining 94, PKK/PYD térrorluq teshkilatining 9 nishani topqa tutuldi.
öktichi küchlerning alahide heriket qisimliri quruqluqtin bérilgen yardemler sayisida aqtarinning jenubigha jaylashqan jebel xirbat elqanisah ahaliler rayonini aldi. öktichi küchler, heriket bashlighandin buyan 164 ahaliler rayoni jaylashqan 1305 kiwadrat kilométir jayning kontrolluqini qoligha aldi.
heriket bashlighandin buyan daésh unsurliri tazilanghan jaylarda 31 mina bilen 1356 dane yerlik usulda yasalghan partlatquch pilanliq halda chuwup tashlandi.
