suriyede 1265 kiwadrat kilométir jay térrorchilardin xaliylashturuldi
suriyening shimalini térrorchilardin xaliylashturush meqsitide 24 – awghustta bashlanghan firat qalqini herikiti 62 – künige qedem qoydi.
türkiye awazi radiyosi xewiri: suriyening shimalidiki daésh qatarliq térrorluq teshkilatliri peyda qilghan xewpni bir terep qilip, chégra bixeterlikini kücheytish we birleshme küchlerge hemdem bolush meqsitide 24 – awghustta bashlanghan firat qalqini herikiti 62 – künige qedem qoydi.
türkiye armiyesi heriket bashlighandin buyan 156 ahaliler rayonida 1265 kiwadrat kilométir jayning kontrolluqining kapaletke ige qilinghanliqini uqturdi.
nishan békitish wasitiliri arqiliq békitilgen daésh térrorluq teshkilatining 27, PYD/PKK ning 19 nishanigha zerbe bérildi. térrorchilardin xaliylashturulghan rayonda 1 dane yerlik usulda yasalghan partlatquch chuwup tashlandi.
heriket bashlighandin buyan köpinchisi qurup qoyulghan 31 mina bilen 1300 dane yerlik usulda yasalghan partlatquch chuwup tashlandi.
döletliridiki ichki urushtin qéchip türkiyege kelgen suriyeliklerning firat qalqini herikitidin kéyin döletlirige qaytish üchün, ghaziantep waliyliq mehkimisige iltimas sunushi dawamlashmaqta. tünügünmu ayallar, balilar we yashanghanlarni öz ichige alghan 500 suriyelik musapir jerablusqa ewetildi.
