erdoghan ammiwi taratqularda rékort buzup tashlidi
jumhur reis erdoghanning birleshken döletler teshkilati omumiy kéngishide sözligen nutuqliridin parchilar 4 tilda hembehirlishildi hemde milyonlarche kishige yétip bardi.
türkiye awazi radiyosi xewiri: erdoghan birleshken döletler teshkilatining niyu york shehiride chaqirilghan 71 – nöwetlik yighinida söz qilghanda, «dunya beshtinmu chong» sözlirini qaytidin küntertipke élip keldi hemde süriyening nöwettiki weziyiti we süriyelik musapirlar heqqide xelqara jemiyetke muhim signallarni berdi.
jumhur reisning bayanatliri ammiwi taratqulardimu zor qiziqish qozghidi. tordashlar «#ErdoganVoiceofTheOppressed (mezlumlarning sadasi erdoghan)» xetküchliri arqiliq erdoghanni qollidi.
erdoghanning nutuqliridin parchilar hembehirlishilgen tweet ler milyonlarche kishige yetti.
jumhur reis erdoghanning ammiwi taratqulardiki sehipilirige mesul mutexessis ismail jesurning éytishiche, erdoghanning türk, ingiliz, firansuz we ereb tilliridiki yollanmiliri 13 milyon 360 ming qétim oqulghan. türk tilidiki 12 yollanmisi 4 milyon 780 ming qétim oqulghan. peqet bir yollanmisila 1 milyon qétimdin artuq körülgen.
مۇناسىۋەتلىك خەۋەرلەر
girétsiye bash ministiri kiriyakos mitsotakis ete türkiyege yétip kélidu
jumhur reis rejep tayyip erdoghan paytext enqerede mitsotakisning ziyaritini qobul qilidu.
