firat qalqini herbiy herikitide ilgirilesh hasil qilindi
süriyening jerablus rayonida bashlanghan «firat qalqini» herbiy herikitide, 845 kiwadrat kilométirliq jay pütünley kontrol astigha élindi.
türkiye awazi radiyosi xewiri: türkiye armiye bash ishtabi élan qilghan bayanatqa asaslanghanda, türkiye armiyesi daésh qatarliq térrorluq teshkilatlirigha qarshi bashlighan firat qalqini herbiy herikiti 20-künige qedem qoyghan waqitqiche, 516 nishan 2223 top étishi bilen bitchit qilinghan. chégra linyeside jerablus we rai rayonlirida közitish hemde nishanlarni aldin bayqash xizmetliri izchil dawam qilmaqta iken.
urush ayropilanlirining tuyuqsiz peyda bolidighan nishanlar üchün teyyar halette turuwatqanliqi, uchquchisiz ayropilanlarning toxtimastin nishanlarni bayqash we közitish ishlirini élip bériwatqanliqi bildürüldi.
xelqaraliq birleshme qisim baragitah depmu atilidighan zeytunluq rayonida, térrorluq teshkilati daéshning bir minamiyot nuqtisini we bir qoral-yaragh iskilatini pachaqlap tashlidi.
türkiye tebiiy apet we jiddiy ishlargha taqabil turush idarisi, qizilay jemiyiti we erkin süriye armiyesining puqralargha qaritilghan insanperwerlik yardemlerni yetküzüsh paaliyitining dawam qiliwatqanliqi bildürüldi.
