toxtap qélish yoq, dawamliq algha!
dölitimiz jumhur reisi rejep tayyip erdoghanning istanbul kisiklidiki öyining aldida démokratiye nöwiti dawamlishiwatidu.
türkiye awazi radiyosi xewiri: jumhur reislik mehkimisining bayanatchisi ibrahim kalin jumhur reis rejep tayyip erdoghanning öyining aldigha toplanghan xelq ammisigha xitab qildi. u: «bu xelq meydanlarda démokratiye we milliy irade éngini namayan qilghan muddette, herbiy özgirish qozghashqa urunghuchilar kéreklik sawiqini alidu» dédi. u xelqning jan bedilige démokratiyeni qutquzghanliqining tillarda dastan bolghanliqini eskertti. u: «xelqimiz pütkül dunyagha signal berdi, yeni bu döletning birla igisi bar – u xelqtur. bu döletning birla qomandani bar – u jumhur reis rejep tayyip erdoghandur» dédi.
u xelqtin héchnimidin ensirimeslikini telep qildi we mundaq dédi:
« bu xelq meydanlarda démokratiye we milliy irade éngini namayan qilghan muddette, herbiy özgirish qozghashqa urunghuchilar kéreklik sawiqini alidu» dédi. xelqning yolini tosushqa urunghanlarning, alalaydighan eng chong sawaqni alghanliqini eskertip, yene mundaq dédi:
«buningdin kéyin, ularning ikkinchi qétim shumluq élip kélidighan herbiy özgirish qozghashqa urunmasliqi üchün, dölitimiz xelq bilen birlikte barliq idare – organlarda zörür qedemlerni basidu. xelqimiz xatirjem bolsun, herbiy özgirish meghlubiyetke uchritildi. emma, qilidighan nurghun ishlirimiz bar. jumhur reisimizning déginidek, toxtap qélish yoq, dawamliq algha ilgirileymiz. meydanlarni izchil halda démokratiye nöwiti bilen toldurimiz. bu xelq meydanlarda démokratiye we milliy irade éngini namayan qilghan muddette, herbiy özgirish qozghashqa urunghuchilar, herbiy özgirish qozghashqa urunghan unsurlar, ularning ichidikiler, parallélchilar, fetö (fethullachi térrorluq teshkilati) chilar qatarliq wehakazalarning hemmisi sawiqini nahayiti obdan alidu.»
