gérmaniye heqiqiy menidiki bir dostluq siniqini bashtin kechürmekte

türkiye awazi radiyosi xewiri: adalet we tereqqiyat partiyesi merkiziy binasida chaqirilghan «wilayet bashliqliri kéngeytilgen yighini» da söz qilghan yildirim, gérmaniye parlaméntida bügün awazgha qoyulidighan 1915 – yil weqelirige alaqidar layihe toghrisida toxtilip, «gérmaniye heqiqiy bir dostluq siniqidin ötmekte. bu, eslide peqet bizningla mesilimiz emes, gérmaniyeningmu mesilisi. bizning puqralirimiz bolghan esli türkiyelik 3 yérim milyon bélet tashlighuchisi bar. gérmaniye iqtisadigha 40 milyard yawro küch qoshuwatqan, 400 ming ish – xizmet orni bar, milyonlarche kishini ash, nan bilen teminlewatqan bundaq chong topluqni ümidsizlikke duchar qilishqa gérman dostlirimizning heqqi yoq, dep oylaymen» dédi.

bash ministir yildirim sözini dawamlashturup, «bezide biz dost, dep qaraydighan döletler ichki siyasette amalsiz qalghanda, ‹kishilerning diqqitini qeyerge burisaq bular› dep mushundaq parlaq pikirler bilen kélidu, bumu shularning biri» dégenlerni qeyt qildi.

sözi esnasida, térrorizmgha qarshi élip bériliwatqan zerbe bérish heriketliri toghrisidimu toxtalghan yildirim, «bu térrorluq guruppiliri qorallirini kömüp, üstige simunt töküp bu dölettin chiqip ketküche bu küresh, bu zerbe bérish heriketliri dawamlishidu» dédi.