erdoghan emgekchiler bayrimi munasiwiti bilen télégramma tarqatti

jumhur reis erdoghan télégrammisida, «ishchi we emgekchi qérindashlirimizning pütkül dunyada birlik, hemkarliq we naheqchiliklerge qarshi küresh qilish bayrimi süpitide tebrikliniwatqan ‹1- may emgekchiler bayrimi›ni tebrikleymen» dédi.

erdoghan télégrammisida «emgekliri we manglay terliri bilen dölitimizning tereqqiyati we bayashatliq sewiyesining éshishida muhim töhpisi bolghan ishchi we emgekchilirimizning heq – hoquqlirini telep qilish jeryanida namayen qilidighan démokratik we tinchliqperwer pozitsiyesi démokratiyemizning güllinishi nuqtisidinmu alahide ehmiyetke ige» dégenlerni qeyt qildi.

jumhur reis erdoghan xizmetchilerning saqliniwatqan mesililirining hel qilinishi, xizmet sharaitining yaxshilinishi, özige tégishlik turmush ölchemlirige yétishi, emgeklirining méwisini toluq élishi qatarliq ishlarning wezipe ötesh jeryanida ehmiyet bergen we aldinqi pilangha qoyghan ishlar ikenlikini tekitlidi.

xizmet hayatigha alaqidar saqliniwatqan mesililerningmu emgekchiler, uyushmilar, xizmet bilen teminligüchiler we ijtimaiy küchler bashqurushidiki organlar arisida özara diyalog we yarishish usuli bilen hel qilinidighanliqigha ishinidighanliqini bildürgen erdoghan, «bu tonushning barliq qatlamlar teripidin qobul qilinishi, xizmetchilirimizning éhtiyajliri we ümidlirining orundilishida algha ilgirileshni qolaylashturidu» dep körsetti. u yene , «1- may emgekchiler bayrimining tinchliq we qéridashliq hökümran orungha ötken, ighwagerchiliklerdin yiraq bir bayram muhitida tebriklinishi ümid qilip, pütkül xeliqmge chongqur qelbimdin salam yollaymen» dédi.