türkiye – isirailiye munasiwetliri normallishishqa qarap yüzlendi

türkiye awazi radiyosi xewiri: türkiye tashqi ishlar ministirliqi türkiye – isirailiye munasiwetlirini normallashturush üchün bashlanghan uchrishishlar toghrisida bayanat élan qildi. bayanatta, tashqi ishlar ministirliqining meslihetchisi feridun sinirlioghlu bilen isirailiye bash ministirining alahide wekili josif jichenowér we isirailiye milliy xewpsizlik kéngishi bashliqining wekili jakob nagél bashchiiqidiki türkiye – isirailiye heyetlirining, engliye paytexti londonda özara uchrashqanliqi bildürüldi.

bayanatta yene, tereplerning kélishim mezmuni bu we kélishimning pat arida échilidighan yighinda tüzülüshi toghrisida pikir birliki hasil qilghanliqi eskertildi.

2016 – yili 10 – féwral mawi marmara hujumidin kéyin buzulghan türkiye– isirailiye munasiwetlirini qaytidin normal halgha ekilish üchün bashlanghan uchrishishlar dairiside shiwéytsariyening jenwe shehiride körüshken heyetler, tölem töleshtin bashqa mesililerde pikir birliki hasil qilalmighan idi.

2010 – yili ghezzege insanperwerlik yardimi yetküzüsh üchün yolgha chiqqan we isirailiye eskerlirining hujumigha uchrighan mawi marmara paraxotida toqquz adem hayatidin ayrilghan, 30 adem yarilanghan idi.