bash ministir ehmed dawutoghlu ‹tinchliq ornitilmisa, suriye mesilisi ichki mesilimizge aylinidu› dédi.
bash ministir ehmed dawutoghlu, suriye tinchliq muzakiriliride söz qilishqa eng hoquqluq döletning türkiye ikenlikini éytti.
türkiye awazi radiyosi xewiri: b d t nazaretchiliki astidiki suriye tinchliq muzakirilirining aldimizdiki hepte jenwede chaqirilishi pilanliniwatqan bolsimu, yighingha kimlerni chaqirip, kimlerni chaqirmasliq toghrisidiki detalashlar hélihem dawam qilmaqta.
londondin ayrilishtin ilgiri engliyelik zhurnalistlar bilen körüshken bash ministir dawutoghlu, «suriye tinchliq muzakiriliri heqqide türkiyedinmu köp deydighan sözi bar dölet yoq. chünki, türkiyede ikki yérim milyon süriyelik bar» dégenlerni qeyt qilghan halda, türkiyening eng süriyelikni baghrigha basqan ikkinchi chong döletke aylanghanliqigha isharet qilip ötti.
dawutoghlu jenwede ötküzülüshi pilanliniwatqan tinchliq muzakirilirige esed hakimiyitining jinayet shériki, térrorluq teshkilati PKK ning rayondiki gumashtisi PYD ning ishtirak qilishining mumkin emeslikini tekitlep ötti.
köchmenler kirizisi üstidimu toxtalghan dawutoghlu, yawropa ittipaqining türkiyege bérishni wede qilghan 3 milyard yawroning hazirghiche bir séntinimu bermigenlikini eskertti we shundaq bolushigha qarimay türkiyede süriyeliklerge qarshi irqchil namayishlarning ötküzülmigenlikini, süriyeliklerning sehiye xizmetliridin heqsiz paydiliniwatqanliqini, ishlesh ijaziti bérilgenlikini, 700 ming süriyelik balining mekteplerde qisturup ötti.
tinchliq ornitilmisa, suriye mesilisi bizning ichki mesilimizge aylinidu» dégen bash ministir dawutoghlu, beshshar esed hakimiyet béshida turidighanla bolsa, héchbir süriyelikning dölitige qaytmaydighanliqini qeyt qildi.
süriyening bu ehwalgha chüshüp qalghanliqidin chongqur qayghuridighanliqini tilgha élip ötken dawutoghlu, «suriye ottura sherqte liwanni hésabqa almighanda eng mötidil dölet idi. ashqun sünniy we shieler yoq idi. suriye xelqi köp sanliqchi bir xelq idi. her bir shehiride perqliq étnik türkümler bar idi. lékin, hazir suriye medeniyitige riaye qilmaydighan bir daésh bar» dédi.
dawutoghlu yene, ereb bahari bilen birlikte ottura sherqning mezhepchilik we étnik toqunush girdabigha kirip qalghanliqinimu alahide eskertti.
