09.02.2024
bügünki türkiye gézitliride asasiy salmaqni igiligen muhim xewerlirimizning qisqiche mezmunliri töwendikiche:
türkiye awazi radiyosi: «yéngi shepeq géziti», jumhur reis rejep tayyip erdoghanning tünügün (8-féwral) adiyamanda «yer tewresh apitige uchrighanlargha öy tarqitip bérish murasimi» qatnashqanliqini xewer qildi.
xewerde, erdoghanning 2 ming 798 yürüsh öy tarqitilghan murasimda, «mudapie sanaiti meblighini yer tewresh rayonlirigha ajrattuq» dégenliki bildürüldi.
«xeber türk géziti», rusiye krémil sariyi bayanatchisi péskowning tünügün putinning türkiye ziyariti teyyarliqlirining dawamlishiwatqanliqi toghrisida bayanat élan qilghanliqini xewer qildi.
«star géziti», dölet mudapie ministirliqining yéqinqi künlerde iraq we süriyede élip bérilghan herbiy heriketlerde 44 térroristning ujuqturulghanliqini élan qilghanliqini xewer qildi.
«sabah géziti», 2024-yilning birinchi éyida 2023-yilning oxshash mezgilige sélishturulghanda antalyagha kelgen sayahetchiler sanining %4.13 éship 229 ming 97 ge yetkenlikini xewer qildi.