08.02.2024
bügünki türkiye gézitliride asasiy salmaqni igiligen muhim xewerlirimizning qisqiche mezmunliri töwendikiche:
türkiye awazi radiyosi: «sabah géziti», türkiyening tunji alem uchquchisi alper gezerawjining yer sharigha qaytish sepirining bashlanghanliqini xewer qildi.
xewerde, alem uchquchiliri tünügün (7-féwral) enqere waqti 17 din 20 minut ötkende xelqara alem ponkitidin ayrilghanliqi we qaytish sepirining 48 saet dawamlishidighanliqi qeyt qilindi.
«star géziti», hamasning ghezzede urush toxtitish üchün sunghan teklipide, türkiye, misir, qatar, rusiye we b d t ning her türlük kélishimde képil bolushini telep qilghanliqini xewer qildi.
«hörriyet géziti», nato bash katipi stolténbérgning ittipaqdash döletlerning ukrainagha qoral-yaragh we oq-dora yardem qilish mesilisi boyiche élan qilghan bayanatida türkiyeni misal qilip körsetkenlikini xewer qildi.
«weten géziti», soda ministiri ömer bolatning, «ékisportimiz 2023-yili dunya ékisporti we importida chékinish körülgen bolsimu, %0.64 éship 256 milyard dollargha yetti» dégenlikini xewer qildi.
«yéngi shepeq géziti», b b s (BBC) ning dunyada eng köp sayahetchi kütüwalghan 10 sheher tizimlikige kirgen istanbul bilen antalyaning wuxen wirusi (Kovid-19 ) mezgilidin kéyin, chet ellik sayahetchilerning mezkizi bolghanliqini élan qilghanliqini xewer qildi.
