27.12.2023

türkiye awazi radiyosi: «star géziti», milliy küreshchi ayropilan «kaan» ning barliq sinaqlirining axirlashqanliqini xewer qildi.

xewerde, bir qanche hepte ichide ayropilanning tunji uchush siniqining qilinidighanliqi qeyt qilindi.

«sabah géziti», sherqiy qara déngizda su yüzige chiqqan suyuqluqning néfit ikenliki éniqlanghanghandin kéyin, néfit qédérish xizmetlirining téximu tézleshkenlikini xewer qildi.

«hörriyet géziti», soda ministiri ömer bolatning gaziantepte ékisport seperwerliki pirogrammisigha qatnashqanda qilghan sözide, iqtisadiy éshishni alahide tekitligenlikini xewer qildi.

xewerde, ministir bolatning: «2023-yilni 1 tiriliyon dollar milliy ishlepchiqirish omumiy qimmiti üstide axirlashturimiz. kishi béshigha toghra kélidighan milliy kirimimiz 12 ming 500 dollargha yétidu» dégenliki qeyt qilindi.

«weten géziti», jumhur reis rejep tayyip erdoghan teripidin échilghan istanbul sabiha gökchen ayrodurumining ikkinchi uchush linyesidin tunji qétimliq soda uchushning emelge ashqanliqini xewer qildi.

xewerde, pégasus hawa yollirining xélsinkigha qarap uchqan «boyin» ayropilanining sabiha gökchen ayrodurumidin kökke kötürülgenliki bildürüldi.

«yéngi shepeq géziti», künséri téz süret bilen tereqqiy qiliwatqan türkiye mudapie sanaitining chet ellerdimu muhim tesirlerni peyda qiliwatqanliqini xewer qildi.

xewerde, türkiye mudapie sanaiti terkibide tereqqiy qildurulghan yerlik uchqu «S-anka» (ANKA-S) ni qazaqistan déngiz armiyesige seplesh üchün sinaq qilishning bashlanghanliqi bildürüldi.