14.12.2023

türkiye awazi radiyosi: «yéngi shepeq géziti», jumhur reis rejep tayyip erdoghanning ghezzede qan éqishning toxtishi üchün, 7-öktebir (2023) din tartip 30 qétim yüz turane uchrishish, 32 qétim téléfon söhbiti ötküzgenlikini xewer qildi.

xewerde, rejep tayyip erdoghanning, «qan éqishning toxtishi üchün tirishchanliq körsitimiz, ghezze üchün meydanimiz roshen» dégenliki bildürüldi.

«xeber türk géziti», türkiye büyük millet mejlisi (parlaménti) bashliqi numan qurtulmushning isirailiyening pelestinlikler üstidin yürgüzüwatqan qetliam körünüshlirining, insaniyet üchün nomus qilarliq ikenlikini éytqanliqini xewer qildi.

xewerde, numan qurtulmushning amérika bashchiliqidiki 10 döletning ghezzede urush toxtitish chaqiriqini ret qilghanliqini xatirilitip, «dunya isirailiyening qollighuchisi 10 dölettin chong, bir küni bularning hésabi sorilidu» dégenliki qeyt qilindi.

«star géziti», muawin tashqi ishlar ministiri yasin ekrem serimning isirailiye minglarche puqrani qirghin qilghan ghezzede derhal uzun muddetlik urush toxtitish kéreklikini tekitligenlikini xewer qildi.

xewerde, yasin ekrem serimning, «pelestin xelqining bixeterlkige, adil we uzun muddetlik tinchliqqa kapaletlik qilidighan  méxanizmning ornitilishigha éhtiyajliqmiz, türkiye mesuliyetni üstige élishqa teyyar» dégenliki bildürüldi.

«sabah géziti», türkiyening bu yil (2023) yanwardin öktebirgiche duxapka ékisportining 340 milyon dollargha, tok ochaq ékisportining 255 milyon 878 ming dollargha yetkenlikini xewer qildi.

xewerde, ékisport qilinghan besh tok ochaqning birining engliyege ewetiliwatqanliqi, uningdin qalsa gérmaniyege ewetiliwatqanliqi eskertildi.