09.11.2023

türkiye awazi radiyosi xewiri: «xeber türk géziti»,jumhur reis rejep tayyip erdoghanning qarabagh ghelbisining 3 - yilliqini tebriklesh mektubida, qérindash ezerbeyjanning 8-noyabir zeper bayrimini chin qelbidin tebrikleydighanliqini bildürüp: «qarabagh ezerbeyjanning zéminidur we inshallah  qiyametke qeder shundaq bolidu» dégenlikini xewer qildi.

«‹sitar› géziti», türkiye büyük millet mejlisi (parlaménti) edliye komitéti reisi juneyt yükselning herqaysi döletler parlaméntlirining edliye we qanun komitétliri bashliqlirigha mektup yollap, pelestinde urush toxtitish we menggülük tinchliqqa kapaletlik qilish üchün xelqaraliq tirishchanliqlarni körsitishke chaqiriq qilghanliqini xewer qildi,

«‹sabah› géziti»,  aptomobil sanaitining öktebirdiki éksport sanliq melumatliri élan qilinghanliqini, omumiy éksport sommisining 3 milyard 100 milyon dollargha yétip , öktebirdiki eng yuqiri éksport ni ishqa ashurghanliqini xewer qildi.

«‹weten› géziti», türk inzhénérliri teripidin layihelengen we ishlepchiqirilghan <GÖKBEY> tik uchar ayropilanining yene ikki sinaqni muweppeqiyetlik tamamlighanliqini, 20 ming ingliz chiliq égizlikte uchush arqiliq eng yuqiri mulazimet égizlikige yetkenlikini hemde yene qosh mator bilen élip bérilghan uchushta yekke matorluq sinaqtinmu muweppeqiyetlik ötkenlikini xewer qildi.

«‹yéngi shepeq › géziti»,  türkiye sayahet shirketliri jemiyiti (TÜRSAB) ning reisi firuz baghlikayaning türkiye üchün engiliyening intayin muhim sayahet baziri ikenlikini bildürüp: «türkiye bolush süpitimiz bilen biz yil axirighiche engiliyedin 3 milyon 700 ming sayahetchi kütüwilishni nishan qilmaqtimiz» dégenlikini xewer qildi.