14.08.2023

türkiye awazi radiyosi: «yéngi shepeq géziti», türkiye jumhur reisi rejep tayyip erdoghanning pat yéqinda chet el ziyaretlirini bashlaydighanliqini xewer qildi.

xewerde, jumhur reis rejep tayyip erdoghanning awghust (2023) éyining axirlirida wéngiriyeni, séntebir éyida hindistan bilen amérikani ziyaret qilidighanliqi bildürüldi.

xewerde, rejep tayyip erdoghanning amérika ziyaritide b d t xewpsizlik kéngishi yighinigha qatnishidighanliqi we bashqa döletlerning rehberliri bilen körüshidighanliqi qeyt qilindi.

«hörriyet géziti», «gérmaniye awazi radiyosi» ning intérnét sehipiside élan qilinghan bir maqalide, türkiyening ukraina-rusiye urushidiki roligha yuqiri baha bérilgenlikini xewer qildi.

maqalide, rusiye ukrainagha qarshi ishghal urushi bashlighandin kéyin, türkiyening istanbul we chanaqqale boghuzidin urush paraxotlirining ötüshini cheklep, déngizdiki küch tengpungluqini qoghdighanliqi eskertildi. 

maqalide, bu ehwalning türkiyeni muhim géo istratégiyelik jehettin téximu muhim orungha ige qilghanliqi tekitlendi.

«star géziti», türkiyede musapirlar we qanunsiz köchmenlerni öz dölitige qayturush üchün keng dairilik xizmetlerning ishliniwatqanliqini xewer qildi.

xewerde, bu ramkida süriyening heleb rayonida ijtimaiy we soda ishlirini janlandurushning nishan qiliniwatqanliqi bildürüldi.

xewerde yene, mezkur pilan ijra qilinishqa bashlanghanda, türkiyede yashawatqan yüz minglarche süriyelikning dölitige qaytidighanliqi eskertildi.