02.06.2023

türkiye awazi radiyosi xewiri: «xabertürk» géziti: türkiye jumhuriyiti aliy saylam orgini reisi ehmet yenerning 28- may ötküzülgen jumhur reis saylimining axirqi netijisini élan qilip, jumhur reislikke saylanghan rejep tayyip erdoghanning %52.18, kemal qilichdaroghluning %47.82 awazgha érishkenlikini élan qilghanliqi toghrisidiki uchurlarni oqurmenlirining diqqitige sundi.

«hörriyet» géziti: dölitimiz (türkiye jumhuriyiti) tashqi ishlar ministiri mewlüt chawushoghluning shimaliy atlantik ehdi teshkilati — natogha eza bolushqa tirishiwatqan shiwétsiyeni «üch terep ramka kélishimide körsitilgen mejburiyetlirini ada qilip, térrorluqqa qarshi turushta konkrét qedem tashlash»qa chaqirghanliqini yazdi.

«star» géziti: türkiye qurulush höddigerlik shirketlirining 2022- yili chet döletlerde höddige alghan qurulush ishlirining qimmitining 19 milyard 100 milyon dollardin éship ketkenliki؛ höddigerlik xizmetliri dawam qiliwatqan 133 dölet ichide eng köp nisbetni igiligen rayonning musteqil döletler ortaq gewdisi we yawropa bolghanliqi toghrisidiki uchurlarni oqurmenlirining diqqitige sundi.

«yéngi shepeq» géziti: türkiyede 28 – may ötküzülgen jumhur reis saylimidin kéyin, ruslarning türkiyede tetil ötküzüsh telipining kücheygenlikini, rusiye sayahet shirketliri jemiyitining bayanat bérip, rusiyediki saylamdin kéyin, sayahet ömeklirige qétilish telipining %50 ashqanliqini bildürgenlikini oqurmenliri bilen ortaqlashti.

«sabah» géziti: türkiyening sayahet jenniti — antalyagha sayahetchilerning sel bolup éqiwatqanliqini, bu yil hawa yoli bilen sheherge kelgen sayahetchiler sanining üch milyon 405 ming 458 ademge yetkenlikini xewer qildi.