29.05.2023

türkiye awazi radiyosi: «xabertürk» géziti: jumhur reislik hökümet sistémiside tunji qétim ikkinchi aylanma saylamni bashtin kechürgen türkiyening jumhur reis rejep tayyip erdoghanni yene bir qétim jumhur reis saylighanliqini xewer qildi.

gézitning xewiride körsitilishiche, türkiyening her qaysi wilayetliri we chet ellerde béletke érishish nisbitini yuqiri kötürüsh arqiliq reqibi kemal qilichdaroghluni arqida qaldurghan erdoghan, yerlik we chong saylamlar bolup, jemiy 17 – qétimliq ghelibisini élan qilghan.

«hörriyet» géziti: jumhur reis rejep tayyip erdoghanning istanbulda jumhur reis saylimining ikkinchi aylanmisidin kéyin tebriklesh paaliyiti ötküzgen ammigha xitab qilip: «14- may we 28- maydiki saylamda 85 milyon puqramizning hemmisi ghelibe qildi. men  <biz ghelibe qilsaq, héchkim meghlub bolmaydu> dégenidim. shundaq iken, bügün ghelibe qilghini peqet we peqet türkiyedur» dégenlikini oqurmenlirining diqqitige sundi.

«sabah» géziti: jumhur reis saylimidin kéyin, dunyaning her qaysi jayliridin jumhur reis erdoghangha arqa - arqidin tebrik télégrammilirining kélishke bashlighanliqini؛ ezerbeyjan pirézidénti ilham eliyéwdin qatar emiri sheyx temim bin hemed al sanighiche, liwiye bash ministiri dibeybedin pakistan bash ministiri sherifkiche bolghan nurghun rehberlerning erdoghanni tebrikligenlikini xewer qildi.

«star» géziti: qatarning simwolluq qurulushlirining biri bolghan «eljabir munarliri»ning türkiyede ötküzülgen jumhur reis saylimisining ikkinchi aylanmisida ghelibe qazanghanliqi munasiwiti bilen jumhur reis rejep tayyip erdoghanning foto sürisi we türkiye bayriqi bilen yorutulghanliqi toghrisidiki uchurlarni oqurmenlirining diqqitige sundi.

«weten» géziti: rusiye pirézidénti wiladimir putinning télégramma yollap, jumhur reis rejep tayyip erdoghanning saylam ghelibisini tebrikligenlikini oqurmenliri bilen ortaqlashti.