14.03.2023

türkiye awazi radiyosi: «weten géziti», ichki ishlar ministirliqining 81 wilayetning waliy mehkimilirige «saylam tedbirliri höjjiti» ni ewetkenlikini xewer qildi.

xewerde, omumiy saylamning 2023-yili 14-may (yekshenbe) ötküzülidighanliqini, jumhur reislik saylimi ikkinchi aylanmigha qalghan ehwal astida 28-may (2023) yekshenbe küni ötküzülidighanliqini xewer qildi.

xewerde, saylamlarning xatirjemlik we bixeter muhit ichide ötküzülüshi üchün yolgha qoyulidighan tedbirlerni közdin kechürüshning muhim ehmiyetke ige ikenliki tekitlendi.

«star géziti», b d t insanperwerlik yardem kordinatsiye ishxanisining jenwediki wekili we korinatsiye bölümining bashliqi ramésh razhasingxamning, türkiyening insaniy mesililerde aldinqi qatarda turidighan we qiyinchiliqta qalghanlargha yardem qilishta oynighan rolini alahide tekitligenlikini xewer qildi.

xewerde, razhasingxamning:  «emdi yer tewresh apetlirige uchrighan türkiyege mertlerche yardem qilishimiz kérek» dégenliki qeyt qilindi.

«hörriyet géziti», türkiyening tokluq aptomobili togning mushu hepte ichide bazargha sélinidighanliqini xewer qildi.

xewerde, tog aptomobilining dunyada muweppeqiyetlik ishlepchiqirilghan tokluq aptomobil markiliridin biri bolupla qalmay, eyni waqitta yene, nurghun téxnologiyelik ijadiyetlerning barliqqa kélishige wesile bolidighanliqi qeyt qilindi.

xewerde yene, togning deslepte bazargha sélinidighan birinchi modélining s (C) sinipi «SUV » bolidighanliqi, mushu yil (2023) axirighiche texminen 20 ming aptomobilning ishlepchiqirilidighanliqi bildürüldi.

«sabah géziti», sayahet sahesi wekillirining bu yil (2023) öktebir éyining axirighiche dalaman ayrodurumigha 2 milyon sayahetchining kélidighanliqini éytiwatqanliqini xewer qildi.

xewerde, eng köp sayahetchining engliyedin kélidighanliqining perez qiliniwatqanliqi, tunji ayropilan sepirining 17-martta emelge ashurulidighanliqi bildürüldi.