12.08.2022

«‹xeber türk› géziti», «erdoghan beshtepe xelq qurultiyi we medeniyet merkizide nutuq sözlidi» serlewhilik xewiride, jumhur reis rejep tayyip erdoghanning tünügün élan qilghan bayanatida, «türkiyening tok tarqitish iqtidarigha her yili 1 milyard 900 milyon kilowat saetke yéqin töhpe qoshidighan bizning eng chong su ambirimiz yüsüfeli pütüsh basquchigha yétip keldi» dégenlikini yazdi.

«‹star› géziti», «florés: <men türkiyening oynighan roligha qayilmen> dédi» serlewhilik xewiride, gwatémala tashqi ishlar ministiri florésning rosiye-ukraina urushida türkiyening oynighan roli üstide toxtilip «men türkiye diplomatiyesining bu yerde oynighan roligha qayilmen. intayin muhim kélishimni ishqa ashurdi we dunyagha ümid ata qildi» dégenlikini yazdi.

«‹höriyet› géziti», «ministir donmezning tebiiy gaz bayanati» serlewhilik xewiride, énérgiye we tebiiy bayliqlar ministiri fatih donmezning tünügün qara déngiz gazigha munasiwetlik bayanatida: «martta özimizning gazini ishliteleymiz» dégenlikini xewer qildi.

«‹weten› géziti», «qaraismailoghlu istanbul ayrodorumi heqqide bayanat élan qildi» serlewhilik xewiride, munu uchurlargha orun ajratti:

qatnash we ul eslihe ministiri adil qaraismailoghlu istanbul ayrodorumining kündin-künge yawropa ayrodromidin éship birinchilik orunini kücheytiwatqanliqini tekitlep, «istanbul ayrodromigha oxshash chong sélinmimiz we yolgha qoyghan bashqa tedbirlirimiz sayisida, biz yük-taqtiki qalaymiqanchiliqqa, qatnash we uchushtiki mesililerge duch kelmeywatimiz» dédi.

«‹sabah› géziti», «türkiye awiatsiye shirkiti iyul éyida 7 milyon 800 ming yoluchi toshudi» serlewhilik xewiride, munu uchurlargha orun ajratti:

türkiye awiatsiye shirkiti iyul éyida dölet ichi we sirtidin 7 milyon 800 ming yoluchi toshudi. yoluchilarning toluqluq nisbiti 2022-yili iyul éyida %86.1 ge yetti.