23.06.2022

«‹star› géziti», «türkiye bilen seudi erebistanning birleshme bayanati» serlewhilik xewiride, munu uchurlargha orun ajratti:

jumhur reis rejep tayyip erdoghan türkiyede ziyarette boluwatqan seudi erebistanning weliehdi shahzade muhemmed bin selman bilen ayrim körüshti. uchrishishtin kéyin élan qilinghan birleshme bayanatta, ikki döletning siyasiy, iqtisadiy, herbiy, bixeterlik we medeniyet munasiwetlirini öz ichige alghan özara munasiwetliridiki hemkarliqning yéngi dewrini bashlashqa qarita ortaq iradisi eng küchlük tekitlendi.

«‹höriyet› géziti», «faxrittin altun <türkiye térorluq mesiliside éniq bir shekilde qayil qilinishi lazim> dédi» serlewhilik xewiride, munu uchurlargha orun ajratti:

jumhur reislik uchur – alaqe idarisi diréktori fahrettin altun «shiwitsiyening shimaliy atlantik ehdi teshkilatigha kirishige yéshil chiragh yéqish <nawada birer hujumgha uchrisa shiwitsiye xelqini qoghdaymiz> dégenni bildüridu. eger biz shiwitsiye üchün bundaq mesuliyetni üstimizge alidighan bolsaq, shiwitsiyedin toplanghan pullar bilen türkiye xelqige térorluq hujumliri élip bérilmaydighanliqigha kaplet bérilishi shundaqla süriye yaki iraqtiki térrorluq teshkilati panahjayliridin shiwitsiye qoralliri chiqmaydighanliqigha éniq bir shekilde bizni qayil qilishi lazim» dédi.

«‹yéngi shepeq› géziti», «türkiye bilen rosiye otturisidiki halqiliq bashliqlar yighinida, tunji konkrét netije qolgha keltürüldi» serlewhilik xewiride, ashliq qachilanghan paraxotlarning ukrainadin ötüshi üchün chaqirilghan «qizil siziqliq diplomatiye» yighini dairiside, türkiye we rusiye herbiy wekiller ömikining moskwada körüshkenlikini hemde uchrishishning tunji konkrét netijsi qolgha kelgenlkini, türkiyening quruq yük paraxotining ukrainadin ayrilghanliqini yazdi.

«‹weten› géziti», «türkiyediki tunji «DATA» ishqa kirishtürüldi» serlewhilik xewiride, munu uchurlargha orun ajratti:

türkiyening tunji su asti paraxoti sinaq ul eslihesi bolghan «DATA» ishqa kirishtürüldi. sinaq supisi bolush xaraktérige ige «DATA» su asti paraxotigha hajiti qalmastin, su asti oqlarni sinaq qilalaydu. sanaet we téxnika ministiri mustafa warank: «DATA muhim oq-dorilarning tereqqiyat jeryanini tézlitidu» dédi.

«‹sabah› géziti», «türkiye yéza igilik mehsulatlirida yawropa boyiche birinchi orunda turidu» serlewhilik xewiride, munu uchurlargha orun ajratti:

istanbulda ötküzülgen 8-nöwetlik türkiye-ereb yémeklik we yémeklik téxnikisi yermenkiside, muawin yéza igilik we ormanchiliq ministiri ebubekir gizligider, «türkiye yéza igilik mehsulatlirida yawropa boyiche birinchi orunda we dunya boyiche aldinqi 10 ning ichide turidu» dédi.