15.06.2022

 türkiye awazi radiyosi: «‹weten› géziti», «jumhur reis erdoghan waqtini bildürüsh arqiliq xush xewer berdi» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan, «Türksat 5B» süniy hemrahini xizmetke kirishtürüsh murasimida qilghan sözide, «yerlik we milliy közitish süniy hemrahimiz <İMECE> ni 2023 – yili yanwar éyida, <TÜRKSAT 6A> süniy hemrahini 2023-yilining otturiliri alem boshluqigha qoyup bérimiz. bu arqiliq alem boshluqidiki süniy hemrahlirimizning sani 10 gha yétidu.» dédi.

«‹höriyet› géziti», «aqar girétsiye parlamént ezalirigha qattiq naraziliq bildürdi» serlewhilik xewiride, dölet mudapie ministiri hulusi aqarning, shimaliy atlantik ehdi teshkilati parlamént ezaliri mejlisi yighinida türkiyege qarshi bayanat élan qilghan girétsiye parlamént ezalirigha qattiq naraziliq bildürüp qilghan munu sözlirini neqil keltürdi: «eger siler biz  küresh qiliwatqan, xelqimizge ziyan yetküzüwatqan, 40 ming kishini öltürgen we 251 kishini qetl qilghan bölgünchi térrorluq teshkilati p k k/y p g  ge, fethullahchi térrorluq teshkilati unsurlirigha u yerde (lawrion) lagérida orun bersengler, buni ittipaqdashliq dégili bolmaydu, derweqe, bu dostluqqimu xilaptur. bu ehwal ittipaqdashliqqimu ziyan yetküzidu, ittipaqdashliq rohighimu xilaptur.»

«‹sabah› géziti», «ministir warank, <yawropada eng yüksek sewiyege yettuq> dédi» serlewhilik xewiride, munu uchurlarni oqurmenlirining diqqitige sundi:

sanaet we téxnologiye ishliri ministiri mustafa warank, «2021-yili, 300 din artuq igilik tikligüchimiz 1 milyard 500 milyon dollardin artuq mebleghke ériship, tarixtiki eng yuqiri rékortni buzup tashlidi. bu yilning (2022-yili) birinchi charikide 1 milyard 273 milyon dollarliq sélinma bilen yawropada engiliyenimu öz ichige alghan eng yüksek sewiyege yettuq» dédi.

«‹star› géziti», « Fitch Ratings türkiyening iqtisadiy tereqqiyat mölchirini yükseldürdi» serlewhilik xewiride, töwendiki uchurlarni oqurmenlirining diqqitige sundi:

xelqara kiréditni derijige ayrish orgini «Fitch Ratings», iyun éyidiki doklatida, bu yilning deslepki charikide mölcherdikidinmu yuqiri sewiyege yetken türkiye iqtisadining, bu yil % 4.5, 2023-yili% 3 we% 2.9 tereqqiy qilishining kütülüwatqanliqini bildürdi .

«‹yéngi shepeq› géziti», «térrorchilardin tazilandi, emdilikte chet ellik sayahetchilerni kütüwalmaqta» serlewhilik xewiride, munu uchurlarni oqurmenlirining diqqitige sundi:

 haqqarida, dölet xewpsizlik küchlirining herbiy heriketliri netijiside térrorchilardin tazilanghan taghlar we yaylaqlar, türkiyening oxshimighan wilayetliridin kelgen sayahetchilerdin sirt yene, chet ellik sayahetchilernimu kütüwalmaqta. yéqinda gérmaniyedin kelgen 20 sayahetchi, 3800 métir égizliktiki berchelan yayliqigha chiqip, seyle qildi.