26.05.2022

«‹star› géziti», «ibrahim kalin: <eger konkrét qedem tashlanmisa, ilgirilesh bolmaydu> dédi» serlewhilik xewiride, munu uchurlargha orun ajratti:

jumhur reislik bayanatchisi ibrahim kalin finlandiye we shiwitsiye heyiti bilen ötküzülgen uchrishishlar heqqide toxtilip, «türkiyening bixeterlik mesilisi melum waqit ichide konkrét qedemler bilen hel qilinmisa, bu ishta ilgiirlesh bolmaydighanliqini nahayiti éniq qilip bildürduq» dédi.

«‹sabah› géziti», «israiliyege bash elchi teyinlinemdu?» serlewhilik xewiride, mewlut chawushoghluning aridin 15 yil ötkendin tashqi ishlar ministiri sewiyeside israiliyede tuqi qétim resmiy ziyarette bolghanliqini we ziyarettin kéyin, bash elchi teyinlesh mesilisi üstide toxtilip, «biz (israiliye tashqi ishlar ministiri yaér) lapidning türkiye ziyariti jeryanida mesilisini muzakirilishishni qarar qilduq» dégenlikini yazdi.

«‹höriyet› géziti», «ministir warank: <biz yawropada 1 - orunda turimiz> dédi» serlewhilik xewiride, sanaet we téxnika ministiri mustapa warankning türkiye polat-tömür ishlepchiqarghuchilar jemiyiti omumiy yighinida söz qilip: «türkiye bügün 40 milyon tonna polat-tömür ishlepchiqirish bilen yawropada birinchi, dunyada 7-orunda turidu» dégenlikini yazdi.

«‹yéngi shepeq› géziti», «yawropaliqlar shipani türkiyedin izdewatidu» serlewhilik xewiride, munu uchurlargha orun ajratti:

türkiye saghlamliq sayahitidiki muhim bazigha aylandi. ötken yili 642 ming chetellik türkiyede shipaliq izdidi. ulardin 400 ming kishining yawropaliq ikenliki diqqet tartti. ötken yili türkiye saghlamliq sayahitidin 1 milyard dollar kirim qildi.

«‹weten› géziti», «türkiyede maymun chéchiki wirusi barmu?» serlewhilik xewiride, sehiye ministiri fahrettin kojaning türkiyede maymun chéchiki wirusi késilining körülmigenlikini jakarlap, «bihude teshwishler peyda bolmasliqi lazim. bu késellikning wabagha sewebchi bolidighanliqigha ishenmeymen» dégenlikini oqurmenliri bilen ortaqlashti.