25.01.2022

türkiye awazi radiyosi xewiri: «‹weten› géziti», «ömer chelik rusiye-ukraina krizisi heqqide bayanat élan qildi» serlewhilik xewiride, adalet we tereqqiyat partiyesining muawin reisi we partiye bayanatchisi ömer chelikning tünügün élan qilghan bayanatida, jumhur reis rejep tayyip erdoghanning rusiye we ukraina toghrisida bergen signalining dunyada küchlük inkas yaratqanliqini eskertip, «nurghun kishiler krizisning paqat bir teripighila awaz chiqarghan peytte, peqet türkiyela kirizisning her ikki teripige qarita, yeni ukraina we rusiye tereptinmu ijabiy qarshi élinidighan signallarni berdi shundaqla iradisini otturigha qoyalidi» dégenlikini yazdi.

«‹sabah› géziti», «ministir koja amikron wariyatni heqqide ümit béridighan sözlerni qildi» serlewhilik xewiride, sehiye ministiri faxrettin kojaning tünügün élan qilghan bayanatida: «omikron wariyanti belkim yuqumning axirilishishigha ümit bolushi mumkin. ilmiy tetqiqat netijilirige asaslanghanda, waksina emlengen kishiler omikrongha duch kelgende, hem yuqumgha asan taqabil turalaydu, hem immunitét küchi yuquri örleydu. waksina emlitip, ete üchün ümidwar bolung» dégenlikini yazdi.

«‹star› géziti», «biz hem dölitimizning, hem türkiyening menpeetining qoghdighuchisi» serlewhilik xewiride, shimaliy qibris türk jumhuriyiti bash ministiri we milliy ittipaqliq partiyesining reisi faiz sujuoghluning tünügünki bayanatida: «biz türk dölitining jenubidiki bir parchisimiz, yeni biz aq déngizning qoghdighuchisi. kök wetenning del otturisida, shimaliy qibris türk jumhuriyiti we türkiyening menpeetining qoghdighuchisi» dégenlikini yazdi.

«‹höriyet› géziti», «téslaning türkiyege yötkilishi» serlewhilik xewiride, munu uchurlargha orun ajratti:

éléktronluq aptomobil magnati tésla türkiyede qurghan «tésla motors» namliq shirketke munasiwetlik üch muhim herikette boldi. ilgiri «Lufthansa» shirkitining türkiye-iraq yuqiri derijilik bashqurghuchisi bolghan kemal gecher tésla shirkitining yuqiri derijilik bashqurghuchisi boldi. bu shirket tézdin qurulmini tamamlap, «Model X », «Model Y», «Model 3» we «Model S» namliq  4 xil aptomobilini bu yil türkiyede sétishqa sunidu.

«‹xewer türk› géziti», «xam polat ishlepchiqirishta rékort yaritildi» serlewhilik xewiride, türkiyening xam polat-tömür ishlepchiqirish miqdarining bultur 2020 - yildikige sélishturghanda %12.7 éship, 40 milyon tonnidinmu yuqiri örligenlikini we tarixidiki eng yuqiri mehsulat miqdarigha yetkenlikini yazdi.