13.01.2022

«‹höriyet› géziti», «<HURJET> türkümlep ishlepchiqirilish basquchida» serlewhilik xewiride, munu uchurlargha orun ajratti:

jumhur reis rejep tayyip erdoghanning riyasetchilikide jumhur reislik külliyeside ötküzülgen dölet mudapie sanaiti ijraiye komitéti yighinida, türkiye qoralliq qisimliri we bixeterlik organliri ishlitidighan yerlik we döletlik sistémilargha yéngi alahidiliklerni qoshush mesilisi muzakire qilindi. kéler yili tunji uchushi pilanlanghan meshiq we yénik hujumchi ayropilan <HÜRJET> üchün birinchi basquchluq yürüshlük ishlepchiqirish qarari maqullandi

«‹yéngi shepeq› géziti», «türkiye sherqiy aq déngizdiki tengpungluqni özgertti» serlewhilik xewiride, munu uchurlargha orun ajratti:

girétsiyening sherqiy aq déngizni énérgiye menbeliri arqiliq muqimsizlashturush siyasiti türkiyening qetiy meydani bilen bir-birlep yimirildi. amérika qoshma ishtatliri türkiyening nezerdin saqit qilishqa uruniliwatqan <EastMed> turuba liniyesini qollashni toxtatti. firansiyening total we amérikaning <ExxonMobil> shirketlirimu girét arlidiki yer tewresh tetqiqati paaliyitetlirini toxtatqanliqi ashkara boldi.

«‹weten› géziti», «sehiye ministiri koja <turkowak waksinisini bixeter ishliteleysiler> dédi» serlewhilik xewiride, munu uchurlargha orun ajratti:

sehiye ministiri faxrettin koja kowid-19 gha qarshi tereqqiy qildurulghan we barliq basquchluq tetqiqatlardin muweppeqiyetlik ötüp, jiddiy ishlitilishi testiqlanghan yerlik waksina turkowakning xitay waksinisi sinowakqa qarighanda téximu ünümlük bolghanliqini éytti. türkowakning sehiye dunya teshkilatining ölchemlirigimu toluq chüshkenlikini tekitlep, «turkowak waksinimizni bixeter ishliteydighanliqimizni unluk jakalashta héch kishi ikilip qalmisun» dédi.

«‹star› géziti», «marakesh urush paraxotini özgertishni qarar qilip, türkiye bilen kélishti» serlewhilik xewiride, munu uchurlargha orun ajratti:

marakesh metbuatliri marakesh padishahliq déngiz armiyesining türkiye bilen 7 dane téz hujumchi paraxoti we bir korwit sétiwélish kélishimi tüzgenlikini yazdi. muzakirilerning 2021-yili öktebirde bashlanghanliqini we jemiy 222 milyon dollarliq kélishim ikenlikini bildürdi. paraxotlarning 2022-yilining kéyinki yérimida tapshurulishi pilanlanghanliqi tekitlengen xewerde yene, marakeshning téz sürette türkiye herbiy sanaitining éshiwatqan bazarlirining birige aylinidighanliqini uqturdi.

«‹sabah› géziti», «türkiye awiatsiye shirkiti yawropadiki rehberlik ornini yoqatmidi» serlewhilik xewiride, munu uchurlargha orun ajratti:

kowid-19 yuqumi awiatsiye shirketlirige selbiy tesir körsetkenliktin, yershari shirketliri 2021-yili ziyan tartti. weyran bolghan awiatsiye shirketlirining sani köpeydi. chong shirketler peqet döletning yardimi bilenla özini saqlap qalalidi. yuqum mezgilide nurghun awiatsiye shirketliri nöwetchi ayropilanliri toxtatti. türkiye awiatsiye shirkiti bolsa, yéngi uchush nuqtilirini échiip, tereqqy qilishni dawamlashturdi. yawropadiki üstünlükni yoqitip qoymidi.