02.12.2021

  türkiye awazi radiyosi: «‹xeber türk› géziti», «iqtisadtiki yéngi istratégiye» serlewhilik xewiride, munu uchurlarni oqurmenlirining diqqitige sundi:

jumhur reis rejep tayyip erdoghan türkiyening yuqiri ösüm nisbitini tashlap, ishlepchiqirishni we éksportni aldinqi orungha qoyghan istratégiyiege ötkenlikini bildürdi. erdoghan «dölitimizning dunyada izchil tereqqiy qiliwatqan birdinbir iqtisadiy küchke aylinishida biz bu özgirishke qerzdarmiz.  inshaallah. 2021-yilini ikki xaniliq tereqqiyat nisbiti bilen tamamlaymiz» dédi.

«‹höriyet› géziti», «ministir faxrettin koja: <yuqumning axiri ajiz wariyantlar bilen kélidu> dédi» serlewhilik xewiride, munu uchurlargha orun ajratti:

sehiye ministiri fahrettin koja ijtimaiy alaqe torida élan qilghan bayanatida: «wiruslar zukamni keltürüp chiqiridighan yuqumgha oxshash waqitning ötüshige egiship özgiridu. bizning qilghan kürishimizge we özgergen sharaitlargha qarshi wirusmu yashash üchün tirishidu. kowid-19 ning yéngi wariyantlirigha qarita endishiler bolushi mumkin, emma yuqumning axiri ajiz wariyantlar bilen kélidighanliqini untumasliqimiz lazim» dédi.

«‹yéngi shepeq› géziti», «turkowak axiriqi basquchta» serlewhilik xewiride, munu uchurlarni oqurmenlirining diqqitige sundi:

jiddi ishlitilish testiqini kütüwatqan yerlik kowid-19 waksinisi «Turkovac» ning ikki muessisisde türkümlep ishlepchiqirilishi üchün ul – eslihe xizmetliri tamamlandi. türkiye dora we dawalash üsküniliri idarisining tejribixanilirigha ewetilgen yerlik kowid waksinisining dikabirning otturilirida testiqtin ötüshi mölcherlenmekte. waksinilar türkümlep ishlepchiqirilghandin kéyin, 14 künlük sinaqtin ötküzülüp, bazargha sélinidu.

«‹star› géziti», «polsha: <türkiye uchquchisiz ayropilanlirini sétiwélish muhim bir kélishim boldi> dédi» serlewhilik xewiride, munu uchurlargha orun ajratti: 

polsha pirézidénti andréjéj duda türkiyening qoralliq uchquchisiz ayropilani (SİHA) ni sétiwélishning muhim bir kélishim bolghanliqini éytti. duda türkiye bilen bolghan yaxshi munasiwetler we bixeterlik saheside tashlanghan qedemlerning algha ilgirileshni dawamlashturiwatqanliqini tekitlidi.

«‹sabah› géziti», «birleshken döletler teshkilatining yer shari xaraktérlik heriketliri türkiyedin bashqurilidu» serlewhilik xewiride, munu uchurlarni oqurmenlirining diqqitige sundi:

b d t ning insanperwerlik krizisigha taqabil turush merkizi bolghan insanperwerlik ishlirini maslashturush ishxanisi (OCHA) türkiyede ishxana échishni öz ichige alghan kélishimni testiqlandi. bu kélishimge asasen, b d t ning insanperwerlik ishlirini maslashturush ishxanisi (OCHA) jenwediki yer shari heriketlirige mesul qurulmisini istanbulgha yötkeshke teyyarliq qilmaqta. shuning bilen b d t süriye mesilisi qatarliq rayondiki insanperwerlik kirizislirigha téximu aktip arilishalaydighan bolidu.