27.07.2021

türkiye awazi radiyosi: «hörriyet géziti», türkiye tashqi ishlar ministirliqining bayanatchisi tanju bilgichning awstiriye bash ministiri sébastiyan kurz (Sebastian Kurz) élan qilghan afghanistanliq musapirlar üchün türkiyening «toghra jay» ikenliki toghrisidiki bayat üstide toxtilip: «türkiye rayon weziyiti seweb bolghan keng kölemlik köch kirizisining aqiwitige ige bolmaydu we köch dolqunigha mesul bolmaydu» dégenlikini xewer qildi.

xewerde, tanju bilgichning awstiriyening xelqaradiki mesuliyetlirige we yawropa ittipaqining qaide-tüzümlirige uyghun halda afghanistanliq musapirlarghimu xelqaraliq qoghdash kapaliti bérishke mejbur ikenlikini tekitligenliki qeyt qilindi.

«yéngi shepeq géziti», fethullahchi térrorluq teshkilatining 2016-yili 15-iyuldiki xain herbiy özgirish qozghashqa urunush musapiside köp bilinmigen weqeler bayan qilinghan «mehrem» namliq höjjetlik filimning«1-t r t » qanilida qoyulghanliqini xewer qildi.

xewerde, jemiy 10 bölüm qilip ishlengen höjjetlik filimning birinchi bölümini körüsh nisbitide rékort yaritilghanliqi, yutubta qoyulghan widéolarnimu milyonlarche kishining körgenliki bildürüldi.

«weten géziti», istanbul sabiha gökchen ayrodurumida 2021-yili 24-iyul küni 106 ming 463, 25-iyul 110 ming 420 yoluchigha mulazimet qilghanliqini xewer qildi.

xewerde, istanbul sabiha gökchen ayrodurumi hepte axiri jemiy 216 ming 883 yoluchigha mulazimet qilish bilen, 2021-yildiki eng yuqiri rékortni qolgha keltürgenliki bildürüldi.