05.07.2021

türkiye awazi radiyosi: «xeber türk géziti», istanbul xelqining wuxen wirusi(Kovid-19)  tedbirliri ramkisida chiqirilghan qedemmu qedem normallishish qararliri bilen sirtqa chiqish cheklimisi emeldin qaldurulghan birinchi yekshenbe (2021-yil 4-iyul) künide, déngiz sahili we baghchilarda waqit ötküzgenlikini xewer qildi.

«hörriyet géziti», biyonték (BioNTech) shirkitining qurghuchiliridin piroféssor doktor ughur shahin we repiqisi doktor özlem türejining sabanji uniwérstétida ötküzülgen oqush püttürüsh murasimigha, sinliq shekilde qatniship, xush xewer yetküzgenliklirini xewer qildi.

xewerde, ughur shahinning, «waksina emleshning wabani kontrol astigha élishta yardemchi boluwatqanliqini körüwatimiz. bu 4-3 ay ichide türkiyedimu emelge ashidu. waksina emlesh arqiliq yuqumlinishning aldini alalaymiz hemde doxturxanida yétip dawalinishni azaytalaymiz» dégenliki bildürüldi.

«star géziti», shimaliy qibris türk jumhuriyiti jumhur reisi ersin tatarning, «qibrista chong qirghinchiliqlar we zor weqeler yüz bergen idi. türkiyening yardimi bilen bügünlergiche yétip kelduq» dégenlikini xewer qildi.

«yéngi shepeq géziti», firansiye kéngesh palatasi mudapie komitétining, firansiye armiyesining uchquchisiz hawa apparatliri urushigha qarshi teyyar halgha kélishni chaqiriq qilghan doklat teyyarlighanliqini xewer qildi.

xewerde, doklatta, türkiye yasighan uchquchisiz hawa apparatlirining qarabagh, liwiye we süriyediki urushta ishlitilgenliki؛ türkiyening uchquchisiz hawa apparatlirini keng kölemde ishlepchiqirip, éksport qilishni bashlighanliqining tilgha élinghanliqi bildürüldi.

«sabah géziti», dunyada bor zapas miqdari eng köp bolghan türkiyening, bu maddining iqtisadqa bolghan paydisini ashuruwatqanliqini xewer qildi.

xewerde, «borél el dézinféksiye suyuqluqi» ning amérika, liyuksémburg we finlandiyege ésksport qiliniwatqanliqi, ottura sherqtin köp miqdarda telep kelgenliki we gérmaniye, engliye, gollandiyening éksport nishan bazirigha aylanghanliqi qeyt qilindi.