23.06.2021

türkiye awazi radiyosi: «‹star› géziti», «yerlik waksinaning ismi éniq boldi» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan, üchinchi qutisi deslepki qedemde sinaq qilinghan «kowid – 19» yuqumigha qarshi yerlik yéngi  waksina arqiliq türkiyede nöwette yéngi bir dewrning derwazilirining échilghanliqini, yerlik waksinaning ismining «turkuwak» bolghanliqini bildürdi.

«‹sabah› géziti», «jumhur reis erdoghan yerlik waksina heqqide bayanat élan qildi» serlewhilik xewiride, munu uchurlargha orun ajratti:

jumhur reis rejep tayyip erdoghan, qatar soda – iqtisad munbiri yighinida qilghan sözide, dunyadiki waksina adaletsizliki heqqide toxtilip, «85 namrat döletning waksinagha érishish imkaniyiti yoqtur. derweqe, waksina we doda adil shekilde barliq döletlerning ishlitilishige sunulushi lazim» dédi, hemde türkiyening yerlik waksinasining pütkül insaniyetneing waksinasi ikenlikini bildürdi.

«‹höriyet› géziti», «yawropa ittipaqi türkiye heqqide bayanat élan qildi» serlewhilik xewiride, töwendiki uchurlargha orun ajratti:

yawropa ittipaqi komitétining bashliqi ursula won dér léyén, yawropa ittipaqining türkiye bilen bolghan köchmenlik kélishimini yéngilishi lazimliqini éytti.

«‹xewer türk› géziti», amérika qoshma ishtatliri téxnika heyiti türkiyege kélidu» serlewhilik xewiride, munu uchurlarni  oqurmenlirining diqqitige sundi:

amérika qoshma ishtatliri dölet mudapie ministirliqidin téxnikiliq bir heyetning, afghanistandiki kabul hamid karzai xelqara ayrodurumigha qarita paaliyetler heqqide muzakire élip bérish üchün ete türkiyege kélidighanliqi bildürüldi.

«‹yéngi shepeq› géziti», «bu yil sayahetchilerning sani 20 milyondin ashidu» serlewhilik xewiride, töwendiki mezmunlargha orun ajratti:

sayahet sahesining wekilliri, yolgha qoyuluwatqan «kowid – 19» yuqumigha qarshi küresh tedbirliri we bu heqte chiqirilghan qararlardin kéyin, türkiyening déngiz sahillirigha sayahetke kélish telepliri we bélet zakas qilish ishlirining adettin tashqiri derijide köpiyip ketkenlikini tekitlimekte.

rusiyening ayropilan seperlirige ruxset qilish toghruluq chiqarghan qararidin kéyin, hawa qatnishida deslepki künila % 30 éshish körülgenliki bildürülmekte.

gézitning xewiride eskertilishiche, aldinqi yili türkiyening déngiz sahillirigha 16 milyon sayahetchi kelgen bolup, bu yil kélidighan sayahetchiler sanining 20 milyondin ashidighanliqi mölcherlenmekte iken.