09.06.2021
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹xewer türk› géziti», «jumhur reislik mehkimisi bayanatchisi ibrahim qalin kanadada yüz bergen islam düshmenliki hujumigha naraziliq bildürdi» serlewhilik xewiride, töwendiki melumatlarni oqurmenlirining diqqitige sundi:
jumhur reislik mehkimisi bayanatchisi ibrahim qalin, kanadada musulman bir ailidin 4 kishining islam düshmenliki seweblik pilanlanghan jinayet netijiside öltürülüshige naraziliq bildürüp mundaq dédi: «bu, oydurma qorqunchning nepretke, nepretning düshmenlikke we zorawanliqqa aylinidighanliqining eng axirqi misalidur. bu dehshetlik yüzlinish we wehshiylikni choqum toxtitish kérek.»
«‹weten› géziti», «türkiye bilen marakesh otturisida waksina kénishkisi kélishimi» serlewhilik xewiride, munu uchurlargha orun ajratti:
tashqi ishlar ministiri mewlüt chawushoghlu, widéo konférans wasitisi arqiliq marakesh diplomatiye ministiri nasir borita bilen körüshti. körüshüshte, «kowid – 19» yuqumigha qarshi küresh dairiside waksina kénishkisining özara étirap qilinishi qararlashturuldi.
«‹sabah› géziti», baku – tiflis – qars tömür yoli liniyesidin toshulghan yük miqdari 1 milyon tonnidin ashti» serlewhilik xewiride, töwendiki bayanlargha orun ajratti:
qatnash we ul eslihe qurulushliri ministiri adil qarasmailoghlu, asiya qitesi bilen yawropa qitesini bir - birige tutashturidighan baku – tiflis – qars tömür yoli liniyesidin hazirghiche texminen 1 milyon tonna yük toshulghanliqini bildürdi.
«‹höriyet› géziti», «su mehsulatliri éksporti yérim milyard dollardin ashti» serlewhilik xewiride, munu uchurlarni oqurmenlirining diqqitige sundi:
türkiyening yéqinqi yillarda éksportta qolgha keltürgen muweppeqiyetliri bilen diqqet qozghawatqan su mehsulatliri sahesi, bu yilning 5 ayliq mezgilide bazirini % 38 tereqqiy qildurup, chet el éksportidin 522 milyon dollarliq kirim qolgha kirgüzdi.
«‹star› géziti», «filening sultanliri rusiyeni meghlub qildi» serlewhilik xewiride, töwendiki uchurlargha orun ajratti:
türkiye a milliy ayallar walibol komandisi, italiyening rimini shehiride ötküzülgen FIVB milletler birleshmisining 3-heptisi üchinchi we axirqi meydan musabiqiside rusiye komandisini 2 ge qarshi 3 netije bilen yengdi.
