03.06.2021

türkiye awazi radiyosi: «yéngi shepeq géziti», türkiye jumhur reisi rejep tayyip erdoghanning bashchiliqida tünügün (2021-yili 2-iyun) échilghan milliy xewpsizlik kéngishi yighinidin kéyin, bayanat élan qilip, ötken ay ghezzege hujum qilghan isirailiyeni eyiligenlikini xewer qildi.

«hörriyet géziti», türkiye tashqi ishlar ministiri mewlüt chawushoghluning tünügün élan qilghan bayanatida: «isirailiyening biz bilen saghlam munasiwet ornitalishi üchün xata siyasetlerdin waz kéchishi lazim» dégenlikini xewer qildi.

«star géziti», énérgiye we tebiiy bayliqlar ministiri fatih dönmezning yéqinqi 18 yilda gérmaniye énérgiye shirketlirining shérikliri bilen, türkiyening énérgiye sahesige texminen 25 milyard yawro meblegh salghanliqini 15 mingdin artuq ish ornining yaritilghanliqini éytqanliqini xewer qildi.

xewerde, fatih dönmezning: «bu reqemler, gérmaniye shirketlirining we meblegh salghuchilirining énérgye sahesige hemde türkiye iqtisadigha bolghan ishenchini körsitip éridu» dégenliki qeyt qilindi.

«xeber türk géziti», türkiye soda ministiri mehmet mushning tünügün élan qilghan bayanatida, türkiyening may éyi (2021) diki éksportining ötken yil (2020) ning oxshash mezgilige sélishturulghanda %65.5 éship 16.5 miyard dollargha yetkenlikini bildürgenlikini xewer qildi.

«sabah géziti», shiwéytsariye metbuatlirida türkiyening herbiy sahede dunya markisigha aylanghan uchquchisiz hawa apparatliri téxnologiyesining küntertipke kelgenlikini xewer qildi.

xewerde, uchquchisiz hawa apparatliri bilen dunya miqyasida medhiyelerni toplighan, ezerbeyjan we liwiye qatarliq döletlerdiki toqunushlarda sansiz ghelibilerni qolgha keltürgen türkiye téxnologiyesining, gherb döletliri teripidin «möjize» dep teripliniwatqanliqi qeyt qilindi.