07.05.2021

türkiye awazi radiyosi xewiri: «weten» géziti: «chawshoghlu <misir> heqqide bayanat (bérip): (munasiwetlerni normallashturush söhbetliri) dawamlishidu (dédi)» serlewhilik xewiride, dölitimiz (türkiye jumhuriyiti) tashqi ishlar ministiri chawushoghluning, türkiye we misir wekillirining qahirede élip barghan izdinish söhbetlirining ijabiy keypiyatta ötkenlikini we özining misir tashqi ishlar ministiri semih shukri bilen ilgiri oxshash bolmighan sewebler tüpeyli alaqe ornatqanliqini tekitlep: «aldimizdiki musapide munasiwetlerni normallashturush üchün tashlinidighan qedemler toghrisida dawamliq muzakire élip bérilidu» dégenlikini oqurmenliri bilen ortaqlashti.

«hörriyet» géziti: «türkiye israiliye toghrisida xelqara jemiyetke chaqiriq qildi» serlewhilik xewiride, (türkiye jumhuriyiti) tashqi ishlar ministirliqining, xelqara jemiyetni israiliyening iyordan deryasining gherbiy qirghiqi we quddustiki qanunsiz olturaqlishishni kéngeytish tirishchanliqigha inkas qayturushqa chaqirghanliqini yazdi.

«star» géziti: «türkiyening waksinisi dunya sehiye teshkilati tizimlikige kirdi» serlewhilik xewiride, türkiye pen - téxnika tetqiqat orgini — TÜBİTAK reisi piroféssor doktor hasan mandalning, türk alimliri tetqiq qilip tereqqiy qilduruwatqan yéngiliq yaritishchan waksinaningmu dunya sehiye teshkilati tizimlikige kirgenlikini élan qilghanliqini bildürgenliki toghrisidiki uchurlarni oqurmenlirining diqqitige sundi.

türkiyening wirusqa oxshash zerrichiler (VLP) ni asas qilghan waksinamu dunya sehiye teshkilati tizimlikige kirgenidi.

«sabah» géziti: «bu yil amérika türkiye mudapie we awiyatsiye sanaiti sahesi éksportida birinchi orunda turidu» serlewhilik xewiride, türkiyening bu yil (2021) ning deslepki 4 éyida 1 milyard dollargha yéqin mudapie we awiyatsiye sanaiti mehsulati éksport qilghanliqini, sétiwélish jehette 386 milyon 100 ming dollar bilen amérika qoshma ishtatlirining aldinqi rettin orun alghanliqini yazdi.

«yéngi shepeq» géziti: «ukrainadin kéyin, rusiye wekiller ömiki türkiyege kélidu» serlewhilik xewiride, (türkiye jumhuriyiti) muawin medeniyet we sayahet ministiri nadir alpaslanning, ötken hepte türkiyede ziyarette bolghan ukraina wekiller ömikining türkiyening bixeter sayahet guwahnamisi pirogrammisigha yuqiri baha bergenlikini bayan qilghandin kéyin: «bizning rusiye üchünmu shundaq pilanimiz bar, roza héyttin ilgiri rusiye wekiller ömiki bilen körüshüshimiz mumkin» dégenlikini oqurmenliri bilen ortaqlashti.