05.05.2021

türkiye awazi radiyosi: «‹weten› géziti», «türkiye qisimliri kirgili bolmaydu, déyilgen yerde» serlewhilik xewiride, munu uchurlargha orun ajratti:

iraqning shimalida bölgünchi térrorluq teshkilati p k k gha qaritilghan «penje – güldürmama» we «penje – chaqmaq» herbiy heriketliri dawamida, türkiye qisimliri, qendil we qollighuchiliri «héchkim kirelmeydu» dewatqan istiratégiyelik ehmiyetke ige «zendure égizliki» ge yétip bérip, térrorchilarning baza sahelirini kontrol astigha aldi. térrorchilar pat – pat bu rayondin türkiye chégrasidin orun alghan herbiy baza rayonlirigha hujum qilishqa urunuatti.

«‹höriyet› géziti», «türkiyening liwiyediki mewjudiyiti muhim» serlewhilik xewiride, munu uchurlarni  oqurmenlirining diqqitige sundi:

dölet mudapie ministiri xulusi aqar, türkiyening liwiye bilen déngiz igilik hoquqi kélishimi dairiside, sherqiy aqdéngizda paaliyetlirini dawamlashturuwatqanliqini eskertip, «girétsiyening bu kélishimni inawetsiz qilish tyeshebbusliri bihude urunushtur» dédi.

u, enqerening liwiyediki mewjudiyitining türkiyening sherqiy aqdéngizdiki heq – hoquqliri, munasiwetliri we menpeetlirini qoghdash jehettin nahayiti zor ehmiyetke ige ikenlikini tekitlidi.

«‹yéngi shepeq› géziti»,  «türkiyening éksport ailisi barghanséri tereqqiy qilmaqta» serlewhilik xewiride, töwendiki uchurlargha orun ajratti:

türkiyening éksport saheside qolgha keltürüwatqan muweppeqiyetliri, bu sahede paaliyet élip bériwatqan karxanilar sanining köpiyishide türtkilik rol oynimaqta. aprél éyida, 2 ming 444 shirket tunji qétim éksport sahesige qedem qoydi. bu yilning aldinqi töt éyida, 6788 shirket 345 milyon dollarliq éksportni ishqa ashurdi. ékisportning kéyinki aylarda rékortni buzup tashlishida, éksport sahesige yéngi qedem tashlighan shirketler muhim tesir körsetti.

«‹star› géziti», «ezerbeyjan türkiyening qoralliq uchquchisiz hawa apparatliri arqiliq nishanlarni bir – birlep yer bilen yeksan qildi» serlewhilik xewiride, töwendiki bayanlargha orun ajratti:

ezerbeyjan armiyesi, türkiyede ishlengen «bayraqtar» namliq qoralliq uchquchisiz hawa apparatliri arqiliq herbiy manéwir ötküzdi.

ezerbeyjan dölet mudapie ministirliqi hembehirligen körünüshlük uchurlarda, «bayraqtar» namliq qoralliq uchquchisiz hawa apparatlirining toxtitish meydanidin chiqirilip, qondurulushi, xadimlar teripidin kontrol qilinishi we yéqilghu qachilinishi orun aldi. herbiy manéwir dairiside qozghalghan qoralliq uchquchisiz hawa apparatliri, teqlidiy düshmen nishanlirini éniqlap chiqip, bir – birlep yer bilen yeksan qildi.

«‹sabah› géziti», türkiye hawa yolliri shirkiti ‹kowid – 19› yuqumigha qarimay tereqqiy qildi» serlewhilik xewiride,  töwendiki uchurlarni oqurmenlirining diqqitige sundi:

türkiye hawa yolliri shirkiti, «kowid – 19» yuqumi mezgilide dunyagha dangliq shirketler ziyan tartiwatqan bir peytte, nahayiti zor muweppeqiyetlerni qolgha keltürdi. türkiye hawa yolliri shirkiti ijraiye heyitining reisi ilker ayji, «kök yüzide tereqqiy qilishni dawamlashturimiz» dédi.

bu yilning aldinqi üch éyida, luftansa 1 milyard yawro,  Swiss Air  bolsa 350 milyon dollar ziyan tartqanliqini uqturghanidi.