03.05.2021

türkiye awazi radiyosi: «xabertürk» géziti: «ministir aqar we qomandanlar chégrada» serlewhilik xewiride, (türkiye jumhuriyiti) dölet mudapie ministiri xulusi aqarning armiye bash ishtab bashliqi général – polkownik güler we quruqluq armiye qomandani général – polkownik dündar bilen birlikte tünügün iraqning shimalidiki baza rayonini közdin kechürgenlikini we u yerde söz qilip: «penche- shimshek we penche – yildirim heriketliri muweppeqiyetlik dawamlashmaqta. (térrorchilarning) barliq uwilirigha kirduq. bizning térrorni axirlashturush iradimiz qetiy. bu yerde qisqa waqit ichide tinchliq we xatirjemlikni kapaletke ige qilimiz» dégenlikini yazdi.

«hörriyet» géziti: «dölet mudapie ministirliqi <atak tik uchar ayropilani bilen bir terep qilinghanliqi>ni uqturdi» serlewhilik xewiride, dölet mudapie ministirliqining bayanat bérip, tünügün penche – yildirim herikiti rayonida bayqalghan p k k térrorluq teshkilati ezasi ikki térrorchining atak tik uchar ayropilani arqiliq bir terep qilinghanliqini, shuning bilen, bu qétimqi heriket jeryanida bir terep qilinghan térrorchilar omumiy sanining  46 ge yetkenlikini uqturghanliqini yazdi.

«yéngi shepeq» géziti: «türkiye urush paraxoti <TCG Gaziantep> liwiye déngiz tewelkiide 123 köchmenni ölümdin qutuldurdi» serlewhilik xewiride, liwiye déngiz tewelikide yardem telep qilghan 123 tertipsiz köchmenning türkiye armiyesining <TCG Gaziantep> ning yardimi we liwiye déngiz qirghiqi muhapizet etritining küch chiqirishi bilen qutquzuwélinghanliqi toghrisidiki uchurlargha orun berdi.

«sabah» géziti: «türkiye ukrainaliq sayahetchilerning kowid - 19 mezgilidiki dem élish menzilige aylandi» serlewhilik xewiride, mughladiki wuxen wirusi (kowid – 19) ni tizginlesh xizmetlirini tamamlap mulazimitini bashlighan sayahet orunlirining ukrainaliq sayahetchilerni kütüwéliwatqanliqini؛ mughlagha kelgen 350 kishilik tunji türküm ukrainaliq sayahet ömikining ikki hepte etrapida dawamlishidighan sahayitini fethiye we marmaristiki méhmanxanilarda ötküzidighanliqini yazdi.

«star» géziti: «milliy karaté komandisi lisbonda üchi altun bolup jemiy toqquz médal (gha érishti)» serlewhilik xewiride, (türkiye) döletlik karaté komandisining portugaliyening lisbon shehiride ötküzülgen 2020 - yilliq tokyo olimpik tenheriket musabiqisige qatnishish norma nomuri bérilidighan «karaté 1 aliy birleshmisi» musabiqisining lisbon basquchini üchi altun bolup jemiy toqquz médal élip tamamlighanliqi toghrisidiki uchurlarni oqurmenlirining diqqitige sundi.