22.04.2021

«‹sabah› géziti», «jumhur reis erdoghan ministir chawushuoghluning girétsiye ministiri déndiyasqa heddini bildürüp qoyghanliqi üchün rehmet éytti» serlewhilik xewiride, munu uchurlargha orun ajratti:

jumhur reis shundaqla adalet we tereqqiyat partiyesining rehbiri rejep tayyip erdoghan tünügün partiyesining türkiye büyük millet mejlisi (parlaménti) diki guruppa yighinida nutuq sözlidi. u sözide  aldinqi hepte paytext enqerde ziyarette bolghan girétsiye tashqi ishlar ministirining  mensepdishi mewlut chawushoghlu bilen ötküzgen axbarat élan qilish yighini üstide toxtaldi. erdoghan tashqi ishlar ministiri mewlut chawushoghluning girétsiye ministiri nikos déndiasqa heddini bildürüp, ders bérip qoyush xaraktirlik söz qilghanliqi üchün rehmet éytti.

«‹xeber türk› géziti», «soda ministiri mush, <birdinbir meqsitimiz 84 milyon xelqning bayashatliqini ashurush> dédi» serlewhilik xewiride, munu uchurlargha orun ajratti:

soda ministiri mehmet mush: «türkiyening ékisport sodisining éshishi, iqtisadiy körsetküchi we  bayashatliq sewiyesining yuqiri kötürülishi üchün qolimizdin kélidighannning hemmini qilishqa tirishimiz. birdinbir meqsitimiz 84 milyon xelqning bayashatliqini ashurushtur» dédi.

«‹höriyet› géziti»,  «bu yil birinchi pesilde böljürgen éksporti %333 ashti» serlewhilik xewiride, munu uchurlargha orun ajratti:

yéngi, tonglitilghan yaki qurutulghan shekilde 29  döletke éksport qiliniwatqan böljürgenning omumiy éksport nisbiti, 2021-yilining deslepki peslide  rékort yaritip %333 ashti. türkiyening omumiy böljürgen éksport sommisi 3 ayda eslidiki 993 ming dollardin 4 milyon 307 ming dollargha yetti.

«‹star› géziti», «yawropa tajini istanbul alidu» serlewhilik xewiride, munu uchurlargha orun ajratti:

engiliyede chiqidighan «The Independent» géziti sayahet muxbiri simon kaldérning maqalisida, «awiatsiye analizchisi xitrowning « yawropa tajini istanbulgha tartquzup qoyidu» dégenlikini yazdi. kaldérning maqalisida mundaq déyildi: «xelqaraliq qatnash merkezliri kowid -19 yuqumidin kéyin eslige kelgenge qeder, istanbulning katta ayrodorumi yawropa boyiche eng köp uchush ishqa ashqan ayrodorum bolup étirap qildürüshni dawamlashturidighandek qilidu»

«‹yéngi shepeq› géziti», «balilar yotubési <YouTube Kids> türkiyede aktip halgha keltürüldi» serlewhilik xewiride, munu uchurlargha orun ajratti:

yotubé nurghunlighan döletlerde aktip halgha keltürgen «balilar yotubési <YouTube Kids> ep détalini türkiyedimu ishlitishke sundi. balilargha xas mezmunlar toplanghan bu ep mulazimitide, yash dairisige mas halda her xil süzgüchlerni ishletkili bolidu.