21.04.2021

türkiye awazi radiyosi: «‹sabah› géziti», «shiwétsiye bash elchisi tashqi ishlar ministirliqigha chaqirtildi» serlewhilik xewiride, töwendiki melumatlarni oqurmenlirining diqqitige sundi:

shiwétsiye bash elchisi tashqi ishlar ministirliqigha chaqirtilip, shiwétsiye tashqi ishlar ministiri an lindéning térrorluq unsurliri bilen körüshüshidin kéyin, bu qétim dölet mudapie ministiri pétér hultchwitning  térrorchilarning kattibashliri bilen widéo konférans wasitisi arqiliq körüshüshi qattiq eyiblendi, türkiyening daésh we p k k térrorluq teshkilatlirigha qarshi kürishining qetiy dawamlishidighanliqi tekitlendi.

«‹höriyet› géziti», «ministir dönmez, <qaradéngizning tebiiy gazi 2023 – yiligha yétishidu> dédi» serlewhilik xewiride, munu uchurlargha orun ajratti:

énérgiye we tebiiy bayliqlar ministiri fatih dönmez, tünügün élan qilghan bayanatida, qaradéngizda bayqalghan tebiiy gazning deslepki qismining 2023 – yili (türkiye jumhuriyiti qurulghanliqining 100 – yilliqi) gha yétishtürülüshi üchün dawamliq xizmet ishliniwatqanliqini éytti.

«‹xewer türk› géziti», «2020 – yilliq balilar nopusigha munasiwetlik istatistikikiliq sanliq melumatla élan qilindi» serlewhilik xewiride, munu uchurlarni  oqurmenlirining diqqitige sundi:

türkiye istatistika orgini, 2020-yilliq balilargha munasiwetlik istatistikikiliq sanliq melumatlarni élan qildi. buninggha asaslanghanda, 2020-yilining axirliri étibari bilen, türkiyening nopusi 83 milyon 614 ming 362 adem bolup, buning 22 milyon 750 ming 657 sini balilar teshkil qilidiken.

«‹star› géziti», «türkiyening qoralliq uchquchisiz hawa apparatliri dölette qorallarni jimiqturdi» serlewhilik xewiride, töwendiki bayanlargha orun ajratti:

türkiyening qoralliq uchquchisiz hawa apparatlirining urushning sheklini özgertkenlikini eskertken ispaniyede chiqidighan «‹ El Periodico› géziti», rusiyede ishlengen zénit toplar we hawa mudapie sistémiliri bilen birlikte beshsher esed hakimiyitige ait nurghun tankilarni bir terep qilghan türkiyening qoralliq uchquchisiz hawa apparatlirining süriyede urush toxtitish élip kelgenlikini yazdi.

«‹weten› géziti», «sulayman atli yawropa chélishish lewhe talishish musabiqiside altun médalgha érishti» serlewhilik xewiride,  töwendiki uchurlarni oqurmenlirining diqqitige sundi:

yawropa chélishish lewhe talishish musabiqiside, erkin sulayman atli, 57 kilogramliqlar boyiche rusiyelik reqibi nachin mongushni yéngip, altun médalgha érishti.