11.03.2021

türkiye awazi radiyosi: «xeber türk géziti», tünügün (2021-yili 10-mart) aqquyu tadro éléktir istansisida 3-réaktorgha ul qoyush murasimigha sinliq shekilde qatnashqan jumhur reis rejep tayyip erdoghanning: «milliy énérgiye ul-eslihemizge yadro quwwitini qoshush qarari, énérgiye teminlesh bixeterliki jehette basqan istratégiyelik bir qedem hésablinidu. türkiye yadro énérgiyesi saheside aldinqi orunda turidighan döletler qatarigha kiridu» dégenlikini xewer qildi.

«hörriyet géziti», türkiye tashqi ishlar ministiri mewlüt chawushoghluning tünügün resmiy ziyaret üchün yétip barghan bishkekte, maarip wexpining qirghizistanda mekteplerni achidighanliqini we töt tilda oqutush élip baridighanliqini éytqanliqini xewer qildi.

xewerde, mewlüt chawushoghluning: «maarip mektipi ottura asiyada échilidighan tunji maarip wexpi mektipi bolup qalidu. bu qirghizistangha ehmiyet bergenlikimizni körsitidu» dégenliki qeyt qilindi.

«weten géziti», türkiye dölet mudapie ministiri hulusi akarning tünügün paytext enqerede albaniye dölet mudapie ministiri niko péléshi (Niko Peleshi) bilen körüshüp, ikki dölet munasiwetliri we rayonluq munasiwetler, mudapie sanaitide hemkarliq ornitish mesililiri boyiche özara pikir almashturghanliqini xewer qildi.

«star géziti», türkiye yasighan taktikiliq chaqi bar herbiy aptomobil «ejder yalchin» ning, éksportta qolgha keltürgen muweppeqiyetlirige yéngi muweppeqiyetlerni qoshqanliqini xewer qildi.

xewerde, hem nato hemde b d t da wezipe ötigen türkiye herbiy aptomobili bolush muweppeqiyitini qolgha keltürgen «ejder yalchin» ning dunya markisigha aylanghanliqi qeyt qilindi.