05.03.2021

türkiye awazi radiyosi: «sabah» géziti: «bitlistin kelgen qayghuluq xewer» serlewhilik xewiride, (türkiye jumhuriyiti) dölet mudapie ministirliqining bayanat élan qilip, tünügün bingöldin tatwangha qarap yolgha chiqqan quruqluq armiyesige tewe jogar tipliq tik uchar ayropilanning qazagha uchrap, tik uchar ayropilandiki 11 eskerning shéhit bolghanliqini, ikki eskerning yarilanghanliqini uqturghanliqini yazdi.

gézitning xewiride körsitilishiche, jumhur reis rejep tayyip erdoghan dölet mudapie ministiri xulusi aqardin weqe toghrisida uchu igiligen we shéhitlerge, ularning aile – tawabiatlirigha, türkiye armiyesige teziye bildürgen hemde yarilanghan eskerlerge téz shipaliq tiligen.

«xabertürk» géziti: «jumhur reis erdoghanning bayanatliri» serlewhilik xewiride, jumhur reis rejep tayyip erdoghanning tünügün chaqirilghan iqtisadiy hemkarliq teshkilatining 14 - nöwetlik yuqiri derijilik rehberler yighinida söz qilip, yer shari xaraktérlik apetke aylanghan kowid – 19 yuqumigha qarshi turush kürishining küchlük ittipaqliq ornitish netijiside ghelibe qilidighanliqini bayan qilghanliqi qeyt qilindi.

xewerde yene, erdoghanning irangha qaritilghan bir tereplime jazagha xatime bérishning rayonning güllinishige töhpe qoshidighanliqini otturigha qoyghanliqigha isharet qilindi.

«star» géziti: «chang - tozanni milliy sawutqa aylandurmaqta... türkiye az sandiki döletlerning birige aylandi» serlewhilik xewiride, türkiye mudapie sanaiti shirkiti — nurol téknolojining bor tozanliridin paydilinip yerlik qoghdinish kiyimi ishlepchiqirip, bu jehette dunyaning az sandiki döletlirining birige aylghanliqini yazdi.

«hörriyet» géziti: «sayahet rayoni tallashliri oxshash, cheklimiler bikar qilindi, türkiye telepliri ashti» serlewhilik xewiride, rusiye sayahet shirketliri birlikining, türkiyede sayahet cheklimilirining bikar qilinishi bilen teng rusiye puqralirining sayahet qilish üchün yene türkiyeni tallighanliqini bildürgenlikini yazdi.

gézitning xewiride körsitilishiche, bir qanche kün ilgiri engliyeliklermu bu yil sayahet qilish üchün tallighan aldinqi qatardiki döletlirining birining türkiye bolghanliqini élan qilghaniken.

«weten» géziti: «anadolu efeske sel qarashqa bolmaydu» serlewhilik xewiride, waskétbol THY yawropa birleshmisining 27 - heptiside, anadolu efesning ispaniye walénsiye  waskétbol komandisini 83 ke qarshi 99 nomur bilen yéngip, musabiqidiki 16 - ghelibisini qolgha keltürgenliki, walénsiye komandisining bolsa,  13 - meghlubiyitini bashtin kechürgenliki toghrisidiki uchurlarni oqurmenlirining diqqitige sundi.