03.03.2021
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹yéngi shepeq› géziti», «jumhur reis rejep tayyip erdoghan kishilik hoquq heriket pilanini élan qildi» serlewhilik xewiride, töwendiki melumatlargha orun ajratti:
jumhur reis rejep tayyip erdoghan, kishilik hoquq heriket pilani teshwiqat yighinida, mundaq dédi: «nishani, shexslerni erkinlikke ige qilish, küchlük jemiyet qurup chiqish, türkiyeni téximu démokratik bir döletke aylandurush bolghan heriket pilanimiz, 11 yadroluq pirinsip bilen bashlinidu. derweqe, bu pilanimiz, bu basquchning axirida, 9 meqset, 50 nishan we 393 paaliyetni öz ichige alghan höjjet süpitide otturigha chiqti, uda 2 yil ichide yolgha qoyulush üchün teyyarlandi.»
«‹star› géziti», «türkiyening yardimini héchqachan untumaymiz» serlewhilik xewiride, töwendiki melumatlarni oqurmenlirining diqqitige sundi:
ezerbeyjan medeniyet ministiri anar kérimow, türkiyening ezerbeyjangha qarita yardemliri heqqide élan qilghan bayanatida, mundaq dédi: «qérindash türkiyening yardimini peqet taghliq qarabagh urushidila emes, pütkül tarix mabeynide chongqur hés qilduq. buningdin 100 yil ilgirimu <kawkaz islam qoshuni> bilen birlikte ezerbeyjanni, bakuni ishghaldin azad qilghaniduq, bügünmu taghliq qarabaghni silerning yardiminglar sayisida ishghaldin azad qilduq, türkiye dölitige we qérindashlirimizgha rehmet éytimiz, bu yardemlerni héchqachan untumiduq, untumaymiz.»
«‹weten› géziti», «tarixtin buyanqi eng yüksek sewiyediki féwral ékisporti» serlewhilik xewiride, töwendiki melumatlargha orun ajratti:
soda ishliri ministiri ruhsar pekjan, türkiyening féwral éyigha munasiwetlik éksporti heqqide élan qilghan bayanatida, mundaq dédi: «féwral éyidaéksportimiz% 9.6 éship, 16 milyard 12 milyon dollargha yetti. bu arqiliq, biz tarixtin buyanqi eng yüksek sewiyediki féwral ékisportini ishqa ashurduq.»
«‹sabah› géziti», «amérika taratquliri türkiyening qoralliq uchquchisiz hawa apparatlirigha keng orun ajratti» serlewhilik xewiride, munu uchurlargha orun ajratti:
türkiyening bolupmu uchquchisiz hawa apparatliri we qoralliq uchquchisiz hawa apparatliri mesiliside qolgha keltürüwatqan muweppeqiyetliri dunya metbuatliriningmu diqqitini qozghashni dawamlashturmaqta. amérika taratqulirida yene türkiyening qoralliq uchquchisiz hawa apparatliri küntertipke keldi. kishini heyran qalduridighan éniqlimiliq sanliq melumatlargha orun bérilgen « Defense News» ning xewiride, türkiyening qoralliq uchquchisiz hawa apparatlirigha yuqiri baha bérildi.
«‹höriyet› géziti», «istanbul ayrodurumining derijisi yawropa boyiche bashlamchi ayrodurumgha yükseldi» serlewhilik xewiride, munu uchurlarni oqurmenlirining diqqitige sundi:
yawropa hawa yol bashlash bixeterlik teshkilati (EUROCONTROL) ning 22-féwraldin 28-féwralghiche bolghan hawa qatnishigha alaqidar doklatigha qarighanda, istanbul ayrodurumi aldinqi hepte kündilik otturiche uchush sani jehette yawropadiki eng aldinqi qatardiki ayrodurum bolghan. jümlidin, istanbul ayrodurumi, künige otturiche 501 bilen aldinqi retke tizilghan.
