10.02.2021
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «‹weten› géziti», «jumhur reis rejep tayyip erdoghan 2023 – yili ay sharigha seper qilidighanliqilirini éytti» serlewhilik xewiride, töwendiki uchurlarni oqurmenlirining diqqitige sundi:
jumhur reis rejep tayyip erdoghan, tünügün paytext enqerede beshtepe sariyi millet qurultiyi we medeniyet merkizide, alem qatnishi orgini teripidin teyyarlanghan «milliy alem qatnishi orginining paaliyetlirini tonushturush» murasimida qilghan sözide, mundaq dédi: «milliy alem qatnishi pirogrammizda birinchi we eng muhim nishanimiz, jumhuriyitimiz 100 – yiligha qedem qoyidighan 2023 – yili ay sharigha qedem bésishtur, bu nishangha ikki basquchta yétishni pilanlawatimiz.»
«‹yéngi shepeq› géziti», «jumhur reislik sariyi bayanatchisi ibrahim qalin firansiye pirézidénti émmanuél makronning diplomatiye ishliri bash meslihetchisi bonné bilen téléfonlashti» serlewhilik xewiride, töwendiki uchurlarni oqurmenliri bilen ortaqlashti:
jumhur reislik sariyi bayanatchisi ibrahim qalin, tünügün firansiye pirézidénti émmanuél makronning diplomatiye ishliri bash meslihetchisi émmanuél bonné bilen téléfonda körüshti. téléfon söhbitide, ikki terep munasiwetliri, türkiye - yawropa ittipaqi munasiwetliri, sherqiy aqdéngiz, üstün qarabagh, süriye we liwiye mesililiri muzakire qilindi.
«‹höriyet› géziti», «ömer chelik merkiziy ijraiye heyiti yighinidin kéyin muhim bayanatlarni élan qildi» serlewhilik xewiride, munu uchurlarni oqurmenlirining diqqitige sundi:
adalet we tereqqiyat partiyesi bayanatchisi ömer chelik, tünügün partiyesining merkiziy ijraiye heyiti yighinidin kéyin élan qilghan bayanatida, türkiye armiyesining qibristiki mewjudiyitining daimiy ikenlikini we u yerdin chékinmeydighanliqini éytti.
«‹sabah› géziti», «türkiye hawa yolliri shirkiti yene aldinqi orunda» serlewhilik xewiride, munu uchurlargha orun ajratti:
yawropa hawa yol bashlash bixeterlik teshkilati (EUROCONTROL) ning sanliq melumatigha qarighanda, türkiye hawa yolliri shirkiti mushu ayning birinchi heptisi künige otturiche 588 qétim uchush bilen yawropa boyiche aldinqi qatardin orun alghan. firansiye awiyatsiye shirkiti bolsa, künige 381 nöwetchi ayropilan bilen ikkinchi orungha tizilghan.
«‹xewer türk› géziti», «yanwar éyida chay ékisportidin 1 milyon 600 ming dollar kirim qilindi» serlewhilik xewiride, töwendiki uchurlargha orun ajratti:
türkiyedin yanwar éyida 60 döletke 392 tonna chay éksport qilindi, buningdin 1 milyon 643 ming 128 dollar kirim qolgha kirgüzüldi. bélgiye, gérmaniye we israiliye eng köp chay éksport qilinghan döletler boldi.
