22.01.2021

türkiye awazi radiyosi: «sabah» géziti: «türkiye eng köp kowid – 19 waksinisi emligen aldinqi qatardiki 10 ning ichide» serlewhilik xewiride, türkiyening wuxen wirusi (kowid – 19) yuqumi mezgilidiki doxturxana mulazimetliri hemde waksina emleshni pilanlash jehette dunyagha ülge bolghanliqi؛ türkiyening eng köp kowid – 19 waksinasi emligen 10 döletning biri ikenliki toghrisidiki uchurlarni oqurmenlirining diqqitige sundi.  

«yéngi shepeq» géziti: «chawushoghlu: türkiye- yawropa munasiwitide ijabiy keypiyat yaritish muhim (dédi)» serlewhilik xewiride, biryussélda uchrishishlarni ötküzgen (türkiye jumhuriyiti) tashqi ishlar ministiri mewlüt chawushoghluning: «türkiye – yawropa ittipaqi munasiwetliride ijabiy keypiyat yaritish muhim. uni sijillashturush üchün konkrét qedemler tashlinishi kérek» dégen sözlirini oqurmenliri bilen ortaqlashti.

«star» géziti: «albaniyedin erdoghangha iltipat» serlewhilik xewiride, albaniyediki köp xil iqtidarliq bir muzika guruppisi jumhur reis rejep tayyip erdoghangha béghishlap eneniwi naxsha ijad qilip, yutiyub qanilida tarqatqanliqini؛ naxshida türkiye we jumhur reis erdoghanning albaniyeni ochuq qollishi we töhpisige medhiye oqulush bilen birge lach we kurbin sheherlirige sélinghan yer tewresh qurbanliri öyliri bilen fiéragha sélinidighan doxturxanigha dair melumatlarghimu orun bérilgenlikini yazdi.

«weten» géziti: «<bayraqtar> bilen <anqa> yéqinda yawropa asmanlirida» serlewhilik xewiride, sanaet we téxnika ministiri mustapa warankning, bolupmu yéqinqi besh yildin buyanqi sélinmilarning nahayiti qisqa waqit ichide türkiyeni mudapie sanaiti sahesidiki chong döletler sépige qatidighanliqini eskertip: «men yawropa asmanliridimu türkiyedin sétiwélinghan <bayraqtar> we <anqa>larning uchqanliqini köridighanliqimizgha ishinimen» dégen sözlirini oqurmenliri bilen ortaqlashti.

«xabertürk» géziti: «ministir dönmez: <tanap>tin bügünge qeder texminen toqquz milyard 100 milyon kub métir gaz yötkeldi (dédi)» serlewhilik xewiride, énérgiye we tebiiy bayliqlar ministiri fatih dönmezning türkiye bilen ezerbeyjanning énérgiye hemkarliqining ehmiyiti toghrisida toxtilip: «tanap (trans anadolu tebiiy gaz turuba liniyesi)tin 2020- yili töt milyard 900 milyon kubmétir bolup hazirghiche jemiy texminen 9 milyard 100 milyon kubmétir tebiiy gaz yötkeldi» dégenlikini yazdi.