21.01.2021

«‹xewer türk› géziti», «jumhur reis erdoghan tilni béyitish heqqide toxtaldi» serlewhilik xewiride, munu uchurlargha orun ajratti:

jumhur reis rejep tayyip erdoghan medeniyet we sayahet ministirliqining 2019 - we 2020 - yilliq alahide mukapat tarqitish murasimida qilghan sözide, «tilini qoghdiyalmighan we tilini béyitalmighan milletler yiltizi qurup ketken derexlerdek shamallarda yiqilip chüshüshke mehkumdur» dédi.

«‹yéngi shepeq› géziti», «qizil hilal ay jemiyitining idlibtiki yaxshiliq öyliri teyyar» serlewhilik xewiride, munu uchurlargha orun ajratti:

süriyediki hujumidin qéchip idlibke kelgen panahlanghuchilar üchün türkiye yasap bergen xish ler tézla tamamlandi. türkiye qizil hilal ay jemiyitining sarmada nahiyesige qarashliq masat ruhin yézisida yasap bergen 1 yataq, muncha, hajetxana we ashxanidin terkib tapqan 39 kiwadirat métirliq 1228xish öylerdin 748 i olturaqlishishqa teyyar halgha keldi. bu  öylerning barliq hawarayi sharaitlirigha chidamchan ikenliki bildürülmekte.

«‹höriyet› géziti», «türksat 5A ning sepiri pilanlighandek dawamlashmaqta» serlewhilik xewiride, munu uchurlargha orun ajratti:

qatnash we ul eslihe ministiri adil qaraismailoghlu türksat -5A süniy hemrahining tarmaq sistéma siniqining ghalibilik tamamlanghanliqini bildürüp, «texminen 4 ay dawamlishidighan orbitani kücheytish herikiti we süniy hemrahning meshghulati pilanlighandek dawamlashmaqta» dédi.

«‹sabah› géziti», «chetellerde BIP gha bolghan qiziqish ashti» serlewhilik xewiride, munu uchurlargha orun ajratti:

türkiyening yerlik yéngi alaqe munbiri BIP ning cheteldiki yéngi abont sani 8 milyongha yetti. ep bazirida eng yaqturulghanlar ichide tézla  aldinqi retke ötti.  BiP behreyn, béngal, qatar, pakistan, seudi erebistan we omanda barliq riqiblirini arqida qaldurup, «Google Play» dukinida birinchi orungha ötti.

«‹star› géziti»  «türkiyede ishlepchiqirildi, dunyaning herqaysi jaylirida éghizlargha tem bexsh etti» serlewhilik xewiride, munu uchurlargha orun ajratti:

türkiyening dora – dermek éksporti 2020-yili aldinqi yiligha sélishturghanda %15 éship, 201 milyon 735 ming dollargha yetti. amérika 29 milyon 743 ming dollarliq dora - dermek sétiwilip türkiyening dora – dermek ékisportida birinchi orungha ötti. andin gérmaniye 22 milyon 822 ming dollar bilen ikkinchi, xitay 8 milyon 941 ming dollar bilen üchinchi boldi.