25.12.2020

türkiye awazi radiyosi: «weten» géziti: «türkiyening künséri éshiwatqan küchi we iqtidarliri» serlewhilik xewiride, dölitimiz (türkiye jumhuriyiti) tashqi ishlar ministiri mewlüt chawushoghluning, türkiyening kowid – 19 yuqumi mezgilide aktip siyaset yürgüzgenlikini eskertip: «tarqilishchan zukamgha qarimay, biz süriye, liwiye, sherqiy aqdéngiz, qibris we qarabagh qatarliq muhim mesililer toghrisida teshebbuskarliq bilen paaliyet élip barduq» dégenlikini yazdi.

gézitning xewiride körsitilishiche, chawushoghlu yene, türkiyening türkiyening dunya boyiche beshinchi chong diplomatiye torigha ige ikenlikini we insanperwerlik tereqqiyat yardimi jehettimu aldinqi qatardiki dölet ikenlikini otturigha qoyghan.

«star» géziti: «enqeredin baghdadqa <kéreklik qedemlerni tashlanglar, bolmisa biz tashlaymiz> signali» serlewhilik xewiride, türkiyening bölgünchi térrorluq teshkilati p k k ning iraqning sinjar rayonidin chiqiriwétilish musapisini estayidilliq bilen közitiwatqanliqini, dem élishqa chiqqan birigada générali fahri erenelning iraq bash ministiri mustapa kazimining enqerediki ziyaritini analiz qilip: «méningche bu intayin muhim ziyaret idi. méning qarishimche, enqere <kéreklik qedemlerni tashlanglar, bolmisa biz tashlaymiz> dédi» dégenlikini oqurmenliri bilen ortaqlashti.

«xabertürk» géziti: «waksinilar yekshenbe küni kechte yolgha chiqidu» serlewhilik xewiride, korona wirus ilmiy komitétining tünügün sehiye ministiri fahrettin kojaning riyasetchilikide «waksina we özgirish» témisida yighin chaqirghanliqini, «biz xitay waksinisining türk xelqide ünümi bolidighanliqigha ishinimiz. xitay waksinisi türk xelqide %91.25 ünümini körsetti» dégen ministir kojaning sözini dawamlashturup, xitaydin kélidighan waksinilarning yekshenbe küni kechte yolgha chiqidighanliqini bildürgenlikini yazdi.

«hörriyet» géziti, «biyonték waksinisining toxtam tepsilatliri élan qilindi» serlewhilik xewiride, sehiye ministiri fahrettin kojaning, türk tetqiqatchi ughur shahin we özlem türejining bionték shirkiti bilen amérika dora shirkiti pfizér teripidin ishlepchiqirilghan waksinining türkiyege kélidighanliqini uqturghanliqi yazdi.

xewerde körsitilishiche, ministir koja, martning axirighiche 4 milyon 500 ming quta waksinisining türkiyege kélishini mezmun qilghan kélishimning bügün – ete ichide imzalinidighanliqini élan qilghan.

«yéngi shepeq» géziti: «milyard dollarliq altun zapisi» serlewhilik xewiride, bilejingning sögüt nahiyeside qimmiti 46 milyar liragha teng kélidighan altun zapisining tépilghanliqi, mezkur altunni chiqirish üchün ming ademning ishqa orunlashturulushining pilanliniwatqanliqi toghrisidiki uchurlarni oqurmenlirining diqqitige sundi.