17.12.2020

türkiye awazi radiyosi: «hörriyet géziti», türkiye jumhur reisi rejep tayyip erdoghanning tünügün (2020-yili 16-dékabir) bayanat élan qilghanda, amérikaning türkiyege qarshi yolgha qoyghan émbargoliri üstide toxtilip: «amérika émbargoliri jakarlandi. 2017-yilidin béri kaatsa (CAATSA) témisida héchqandaq döletke bu émbargo yürgüzülüp baqmidi. tunji qétim natogha eza dölet bolghan dölitimizge qarita yolgha qoyuldi. bu qandaq ittipaq, qandaq ittipaqliq» dégenliki qeyt qilindi.

«xeber türk géziti», türkiye tashqi ishlar ministiri mewlüt chawushoghluning tünügün iraq tashqi ishlar ministiri fuad hüseyin bilen körüshkendin kéyin, ortaq axbarat élan qilish yighini ötküzgenlikini xewer qildi.

xewerde, mewlüt chawushoghluning térrorluq teshkilati p k k ning, aldi bilen kord (kürt) larning düshmini ikenlikini bildürüp: «térrorluq teshkilati p k k ning iraqtin pütünley tazilinishi üchün, türkiye bolush süpitimizde qolimizdin kelgen yardemni qilimiz» dégenliki bildürüldi.

«sabah géziti», yutubning türkiyede yerlik wakaletchi teyinlesh basquchni bashlashni qarar qilghanliqini xewer qildi.

xewerde, yutubning bayanat élan qilip, shirketning ochuq-ashkara bolushqa, pikir erkinliki we uchurgha érishishni qoghdashqa, paaliyet qiliwatqan döletlerning qanun-tüzümlirige riaye qilishqa her daim ehmiyet bérip kelgenlikini bildürgenliki qeyt qilindi.

«star géziti», faynanshél taymés (Financial Times)  wuxen wirusi (Kovid-19 ) waksinasini tetqiq qilip tépip chiqqan gérmaniyelik er-ayal türk biyonték (biyotek) shirkitining qurghuchiliridin piroféssor doktor ughur shahin bilen özlem türejini «yilning adimi» gha tallighanliqini xewer qildi.

engliyede chiqidighan gézitte, ughur shahin bilen özlem türejining bir yildin qisqa waqit ichide wuxen wirusi waksinasini tetqiq qilip, zor ilmiy we iqtisadiy muweppeqiyet qolgha keltürgenlikliri élan qilindi.