16.12.2020

türkiye awazi radiyosi: «‹star› géziti», chawushoghlu pompéyogha türkiyening émbargogha qarita naraziliqini yetküzdi» serlewhilik xewiride,  töwendiki uchurlarni oqurmenlirining diqqitige sundi:

dölitimiz tashqi ishlar ministiri mewlüt chawushoghlu, tünügün amérika qoshma ishtatliri tashqi ishlar ministiri mayk pompéyo bilen téléfonda körüshti.

diplomatik menbelerning bildürüshiche, téléfon söhbitide, chawushoghlu pompéyogha, türkiyening amérika qoshma ishtatlirining émbargo qararigha qarita naraziliqini yetküzgen.

«‹xewer türk› géziti», «dölet mudapie ministiri xulusi aqar amérika qoshma ishtatlirining türkiyege émbargo yürgüzüsh qararini eyiblidi» serlewhilik xewiride, munu uchurlargha orun ajratti:

dölet mudapie ministiri xulusi aqar, amérika qoshma ishtatlirining türkiyege émbargo yürgüzüsh qarari toghruluq élan qilghan bayanatida, mundaq dédi: «ittipaqdashliqqa, mewjut herbiy we siyasiy réalliqqa qilche mas kelmeydighan bu qararni eyibleymiz.»

«‹höriyet› géziti», «istiratégiyelik tebiiy gaz turuba liniyesi üchün kélishim layihesi imzalandi» serlewhilik xewiride, töwendiki bayanlargha orun ajratti:

türkiye bilen ezerbeyjan otturisida yéngi bir tebiiy gaz liniyesi berpa qilinmaqta. nexchiwangha tebiiy gaz yetküzülidighan turuba liniyesi kélishim layihesi, ikki döletning énérgiye ministirliri teripidin imzalandi. türkiye énérgiye we tebiiy bayliqlar ministiri fatih dönmez, türkiye – nexchiwan tebiiy gaz turuba liniyesining, sherqiy anadolu tebiiy gaz  ghol liniyesige tutishidighan ighdir tebiiy gaz turuba liniyesining dawamigha berpa qilinidighanliqini eskertip, bu liniyening nexchiwanning hazirqi tebiiy gaz éhtiyajini toluq qamdiyalaydighanliqini éytti.

«‹weten› géziti», «türkiye – ukraina otturisida muhim kélishim tüzüldi» serlewhilik xewiride, munu uchurlarni  oqurmenlirining diqqitige sundi:

türkiye bilen ukraina, uzundin buyan muzakire qiliniwatqan ortaq urush paraxoti we qoralliq uchquchisiz hawa apparati ishlepchiqirish mesiliside pütüshti we kélishim imzalidi.

«‹sabah› géziti», «tunji qoralliq kapitansiz déngiz apparati paaliyetlirini bashlaydu» serlewhilik xewiride, töwendiki melumatlarni oqurmenlirining diqqitige sundi:

türkiyening tunji qoralliq kapitansiz déngiz apparati (SİDA), mushu ayning axirliri déngizgha chüshürülidu. milliy rakétamiyot sistémilirini ishlepchiqarghuchi roketsan guruhi teripidin teminlengen 4 dane «jirit» we 2 dane « L-UMTAS » namliq bashqurulidighan bomba sistémiliri seplinidighan qoralliq kapitansiz déngiz apparatining déngizdiki muesseseliri uda ikki ay dawamlishidu.