15.12.2020

türkiye awazi radiyosi: «xeber türk géziti», jumhur reis rejep tayyip erdoghanning, türkiyening héchkimning heqqini yimigenlikini, shunga héchkimgimu heqqini yigüzmeydighanliqini éytqanliqini xewer qildi.

xewerde, rejep tayyip erdoghanning, türkiyening liwiyedin sherqiy aqdéngizghiche, süriyedin kawkazghiche sozulghan jughrapiyede tesiri köp xizmetlerni qiliwatqanliqini bildürüp: «qeyerde adaletsizlik bolsa, shu yerde adaletni ornitish üchün tirishchanliq qilimiz» dégenliki qeyt qilindi.

«weten géziti», jumhur reis rejep tayyip erdoghanning türkiyening barliq siyasetlirini wabadin kéyinki mezgilde «muweppeqiyet qazanghuchi» bolush meqsitige qarita shekillendürüshni dawamlashturuwatqanliqini bildürgenlikini xewer qildi.

xewerde, rejep tayyip erdoghanning: «dölitimizni wabadin kéyinki mezgilge teyyalawatimiz. her sahede türkiyeni zamaniwi medeniyet sewiyesining üstige chiqiridighan qedemlerni tashlawatimiz. kabént yighinida milliy alem ishliri pirogrammimizning léksiyesini angliduq. inshaallah, dölitimizning bayriqini alemde lepilditidighan künler nahayiti yéqin. buni aldimizdiki künlerde xelqimiz bilen ortaqlishimiz» dégenliki qeyt qilindi.

«star géziti», dölet mudapie ministiri hulusi akarning sherqiy aqdéngizda hidro karbon izdesh paaliyetliri üstide toxtalghanda, türkiyening qibris türklirining heq-hoquqini tartquzup qoymaydighanliqini, u yerde her qandaq shekildiki boldi qilishlargha ruxset qilmaydighanliqlirini tekitligenlikini xewer qildi.

«yéngi shepeq géziti», sanaet ishlepchiqirish indéksining öktebir (2020) éyida ayliqi %1.1, yilliq boyiche hésablighanda %10.2 öskenlikini xewer qildi.

xewerde, sanaet we téxnologiye ministiri mustafa warank bu heqtiki bayanatida, «öktebir sanliq melumatlirida, döletler arisida eng küchlük körünüsh dölitimizge teelluq. nishanimiz nahayiti éniq, sanaette téxnikiliq we dijitallishish özgirishni tézleshtürüp, qoshumche qimmiti yuqiri ishlepchiqrishni omumlashturush» dégenliki bildürüldi.

«star géziti», shimaliy qibris türk jumhuriyitining yerlik aptomobili «günsel» ning «2020-musiad ékspo» (Müsiad Expo 2020) körgezme qilinghanliqining, dunya taratqulirida keng orun alghanliqini xewer qildi.

xewerde, «günsel» markiliq aptomobilning bosniye-gértségowina, kolombiye, boliwiye, qatar, méksika we ezerbeyjan qatarliq döletlerning taratqulirida, «türk dunyasining aptomobili» dep teriplinip medhiyelengenliki qeyt qilindi.