20.10.2020

türkiye awazi radiyosi: «xeber türk géziti», türkiyening wiyétnam bilen kambodzha yüz bergen quyun apitide jénidin ayrilghanlar üchün teziye bildürgenlikini xewer qildi.

xewerde, türkiye tashqi ishlar ministirliqining yazma bayanatida: «wiyétnam bilen kambodzhada linfa we nangka quyunliri seweb bolghan su apetliride nurghun kishining jénidin ayrilip, éghir iqtisadiy ziyan körülgenlikini chongqur qayghu ichide bilduq. jénidin ayrilghanlarning yéqin-yoruqlirigha, dost wiyétnam we kambodzha xelqliri we hökümetlirige chin qelbimizdin teziye bildürimiz» déyilgenliki qeyt qilindi.

«hörriyet géziti», türkiyening qaradéngizda deslepte 320, kéyinche 85 milyard kub métir tebiiy gaz bayqighanliqini xewer qildi.

énérgiye we tebiiy bayliqlar ministiri fatih dönmezning sakarya tebiiy gaz meshghulat rayonida bayqalghan gazni ishlepchiqirish üchün texminen 40 dane quduq échilishi kéreklikini eskertip, 2023-yili ishlepchiqirishni bashlash üchün teyyarliq xizmetlirining bashlanghanliqini éytti.

«weten géziti», türkiye soda ministiri ruhsar pekjanning wuxen wirusi  (Kovid-19) tesir qilmighan sahe we dölet qalmighanliqini eskertip: «iqtisadiy tereqqiyat we hemkarliq teshkilatining 2020-yili 16-öktebirdin tartip élan qilghan doklatta, iqtisadiy tereqqiyat we hemkarliq teshkilatigha eza döletler arisida 2020-yilini xitay bilen jenubiy koréyedin qalsila eng az ziyan bilen axirlashturidighan döletning- türkiye ikenliki qeyt qilindi» dégenlikini xewer qildi.

«star géziti», shimaliy qibris türk jumhuriyitideersin tatarning jumhur reisi bolushi bilen yéngi dewrning bashlanghanliqini bildürgen mutexessislerning, 46 yildin buyan taqiwétilgen marashning échilishi bilen, milliy kirimning ikki hesse ashidighanliqini, qibris türklirining rumlar aldida yoq hésablanghan heq-hoquqlirining qoghdilidighanliqini we türkiyening sherqiy aqdéngizda qolining küchlinidighanliqini éytiwatqanliqini xewer qildi.