24.08.2020

türkiye awazi radiyosi: «xeber türk géziti», türkiye jumhur reisi rejep tayyip erdoghanning türkiyening mudapie sanaiti saheside qetiy irade bilen özining yolini dawamlashturuwatqanliqini éytqanliqini xewer qildi.

xewerde, rejep tayyip erdoghanning istanbul tuzladiki desan kémisazliq zawutida ötküzülgen yéngi déngiz sistémilirini tapshurush murasimida, mudapie saheside küchlük we musteqil bolmighan milletlerning istiqbaligha ishinishining mumkin emeslikini eskertkenliki qeyt qilindi.

«star géziti», türkiye dölet mudapie ministiri hulusi akarning, türkiyening xelq bixeterlikige tehdit salghan her qandaq teshkilatqa we mawi wetendiki heq-hoquq, menpeetlerni bulashqa urunghan her qandaq heriketke qetiy ruxset qilmaydighanliqini, hemmining bilishi kéreklikini tekitligenlikini xewer qildi.

«sabah géziti», aqdéngizda tekshürüshlerde boluwatqan oruch reis paraxotining wezipe ötesh mudditining 2020-yili 27-awghustqiche uzartilghanliqini xewer qildi.

«hörriyet géziti», istanbul xrom we xrom mehsulatliri éksportchilar birleshmisining bashliqi mustafa shenojakning 2020-yili 1-yanwardin 18-awghustqiche bolghan mezgilde xrom we xrom mehsulatliri éksportining 803 milyon dollargha yetkenlikini éytqanliqini xewer qildi.

xewerde, 200 din artuq döletke mehsulat éksport qilghanliqlirini bildürgen mustafa shenojakning, eng köp gérmaniye, rusiye, iraq, ispaniye, firansiye, engliye, gollandiye, ruméniye we amérika qatarliq 10 döletke mal éksport qilinghanliqini eskertkenliki qeyt qilindi.

«weten géziti», süniy hemrah we alem ishlirigha munasiwetlik idare-organlarning 2020-yili 1-séntebirdin 2-séntebirgiche intérnétta ötküzülidighan «5-qétimliq yer shari süniy hemrah we alem körgezmisi» de uchrishidighanliqini xewer qildi.

xewerde, alem téxnologiyeliride bashlamchiliq qiliwatqan döletlerning istratégiyeliri, süniy hemrah-alem téxnologiyeliridiki tereqqiyatlar we türkiyening bu sahede yolgha qoyghan siyasetlirining muzakire qilinidighanliqi qeyt qilindi.