06.08.2020

hörriyet géziti, «türkiye béyrut pajiesi üchün heriketke ötti » serlewhilik xewiride töwendiki melumatlargha orun ajratti:

türkiye liwanning paytexti béyrutta yüz bergen partlash sewebidin tibbiy eslihe, üsküne we izdesh-qutquzush etriti yardimide boldi. sehiye ministirliqi, apet we jiddiy haletlerge taqabil turush  idarisi (AFAD) we qizil ay jemiyiti teyyarlighan matériyallar yük ayropilani bilen béyrutqa ewetildi. ayropilan dawalash yardimi eshyaliri we üsküniliri, insanperwerlik yardem boyumliri we izdesh-qutquzush etritini élip béyrutqa yétip bardi.

weten géziti, «ministir warank: <qanal istanbul؛ istratégiyelik bixeterlik mesilisidur> dédi» serlewhilik xewiride töwendiki melumatlarni ortaqlashti:

sanaet we téxnika ishliri ministiri warank tiwittér hésabida élan qilghan bayanatida, «hemmimizning yüreklirini puchilighan partilashni keltürüp chiqarghan 2750 tonna ammoniy nitrat 6 yil ilgiri béyrutqa bérish üchün istanbul boghuzidin ötken idi. hörmetlik jumhur reisimiz qetiylik bilen ching tutiwatqan qanal istabul lahiyesi adettiki mesile emes, belki türkiyege nisbeten istratégiyelik bixeterlik mesilisidur» dédi.

xeber türk géziti, «shentop firansiye we amérikagha naraziliq bildürdi» serlewhilik xewiride töwendiki melumatlarni oqurmenlirining diqqitige sundi:

türkiye büyük dölet mejlisi (parlaménti) reisi mustapa shentop fransiyening dunyada kishilik hoquq, qanun, adalet, heq we naheqchiliqtin söz qilalaydighan eng axiriqi dölet ikenlikini bildürdi. mustapa shentop: «yéqinqi ikki esirdiki tarixi shuni ispatlayduki, firansiyening yüzidiki qara we péshanisidiki daghni öchürelishi mumkin emes» dédi. amérika néfit shirkiti bilen bölgünchi térorluq teshkilati YPG / PKK otturisidiki kélishim üstidimu toxtilip, «süriyediki barliq dölet bayliqliri süriye xelqige aittur» dédi.

sitar géziti, «türkiye wénézuélagha sehiye saheside yardem qildi» serlewhilik xewiride töwendiki melumatlarni oqurmenlirining diqqitige sundi:

wénézuéla bilen türkiye otturisida sehiye saheside tüzülgen yardem kélishimi resmiy gézitte élan qilindi. enqerede 11-iyun imzalanghan «türkiye jumhuriyiti hökümiti bilen wénézuéla jumhuriyiti hökümiti otturisida sehiye saheside yardem bérish kélishimi» dairiside, türkiye wénézuélagha 25 wéntilator, 100 ming opératsiye maskisi, 50 ming N95 maska, 35 ming qoghdighuchi xalat, 200 ming peley we 40 ming PCR sinaq zapchasliri iane qildi.

yéngi shepeq géziti, «türkiye quyash énérgiyesi arqiliq issiq su ishlechiqirishta dunya boyiche  üchinchi orunda» serlewhilik xewiride töwendiki melumatlarni oqurmenlirining diqqitige sundi:

türkiyede quyash énérgiyisi bataréyesi arqiliq tok ishlep chiqirish omumlishish bilen birge yighip saqlighuchilar bilen issiq su ishlepchiqirishta dunya boyiche üchinchi orungha ötti. xitay we amérikadin qalsa, issiq su bilen teminleshte quyashtin eng köp payda alghan dölet türkiye boldi. yilliq 200 milyon dollarliq énérgiye téjeshni ishqa ashurdi.

yéngi shepeq géziti, «aq déngiz we ege déngizi rayonlirida gérmaniyelik sayahetchilerning köpiyishi mölcherlenmekte» serlewhilik xewiride töwendiki melumatlargha orun ajratti:

gérmaniye, türkiyening aq déngiz we ege déngizi qirghiqidiki aydin, antalya, izmir we mughla rayonlirigha qaratqan sayahet agahlandurushini emeldin qaldurdi. bu ish méhmanxanilarni xushal qilidu. kespiy méhmanxana bashqurghuchilar jemiyitining reisi ilkay atmaja bu qarardin kéyin gérmaniyelik sayahetchilerning intayin köpiyidighanliqini mölcherlewatqanliqini éytti.