08.07.2020
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi: «hörriyet géziti», ichki ishlar ministiri süleyman soyluning élip bérilghan muweppeqiyetlik herbiy heriketler arqiliq bölgünchi térrorluq teshkilati p k k ni emeliy we pisxologiyelik jehettin bitchit qilghanliqlirini éytqanliqini xewer qildi.
süleyman soylu: «p k k ghar-öngkürlirigimu mökünelmeydighan bolup qaldi. p k k bügün qorqqinidin simsiz téléfonliri bilenmu sözlishelmeydu» dégen.
«sabah géziti», adalet we tereqqiyat partiyesining tekirtagh parlamént ezasi mustafa shentopning türkiye büyük millet mejlisi (parlaménti) diki awaz tashlashta 328 awazgha ériship, qaytidin türkiye büyük millet mejlisining bashliqi bolup saylanghanliqini xewer qildi.
«yéngi shepeq géziti», sérbiyediki boshnaq döletlik kéngishining bashliqi jasmina jurijning türkiyening wuxen wirusi tarqalghan sanjaq rayonigha ewetken tibbiy yardimi üchün, jumhur reis rejep tayyip erdoghangha mektup ewetip teshekkür éytqanliqini xewer qildi.
xewerde, jurijning, «siz ewetken dora we tibbiy üsküniler yardimi rayon xelqi üchün nahayiti muhim. yardemliringiz bizge ishench béridu» dégenliki qeyt qilindi.
«xeber türk géziti», wuxen wirusi (Kovid-19) gha qarshi küresh qilinghan yilning tunji yérimida, türkiyening 606.5 milyon dollarliq yel-yémish éksport qilghanliqini xewer qildi.
xewerde, bu reqemning 222.1 milyon dollarliq qismini uruqsiz quruq üzüm, 114.9 milyon dollarliq qismini gülening teshkil qilidighanliqi qeyt qilindi.
«star géziti», türkiyege kelgen ukrainaliq sayahetchilerning wuxen wirusigha qarshi élinghan bixeter tedbirlerning sayisida dem élishning keypini chiqiriwatqanliqini xewer qildi.
